[ad_1]
ଅହମଦନଗର: ଛେଳି ଓ ପାରା ଚୋରି କରିଥିବା ସନ୍ଦେହରେ ମହାରାଷ୍ଟ୍ରର ଅହମଦ ନଗର ଜିଲ୍ଲାରେ ୪ଜଣ ଦଳିତ ବ୍ୟକ୍ତିଙ୍କୁ ୬ଜଣ ବ୍ୟକ୍ତି ଗଛରେ ଓଲଟା ଝୁଲାଇ ମାଡ଼ ଦେଇଥିବା କଥା ପୁଲିସ କହିଛି।
ଶ୍ରୀରାମପୁର ତାଲୁକ ଅନ୍ତର୍ଗତ ହରେଗାଓଁ ଗ୍ରାମରେ ଘଟିଥିବା ଉକ୍ତ ଘଟଣାରେ ସମ୍ପୃକ୍ତ ଥିବା ଜଣେ ବ୍ୟକ୍ତିଙ୍କୁ ପୁଲିସ ଗିରଫ କରିଥିବା ବେଳେ ବାକି ୫ଜଣ ଫେରାର ହୋଇଯାଇଛନ୍ତି।
ନିଉଜ୍ ଏଜେନ୍ସି ‘ପିଟିଆଇ’ ରିପୋର୍ଟ କରିଛି, ପୀଡ଼ିତମାନଙ୍କୁ ଗଛରେ ଓଲଟା ଓହଳାଇ ଠେଙ୍ଗାରେ ପାହାର ଦିଆଯାଇଥିଲା। ଏହି ଘଟଣାର ଭିଡିଓ ମଧ୍ୟ ସାମାଜିକ ଗଣମାଧ୍ୟମରେ ଭାଇରାଲ୍ ହୋଇଛି। ଏଭଳି ଅମାନବୀୟ କାଣ୍ଡ ପ୍ରତି ପ୍ରତିବାଦ ଜଣାଇ ଗାଁ’ରେ ବନ୍ଦ ପାଳନ କରାଯାଇଥିଲା।
ପ୍ରାପ୍ତ ସୂଚନା ଅନୁସାରେ, ଘଟଣାଟି ଅଗଷ୍ଟ ୨୫ ତାରିଖ ଦିନ ଘଟିଥିଲା। ମାଡ଼ଖାଇ ଆହତ ହୋଇଥିବା ପୀଡ଼ିତମାନଙ୍କୁ ଚିକିତ୍ସା ନିମନ୍ତେ ତୁରନ୍ତ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା ପୀଡ଼ିତମାନଙ୍କ ମଧ୍ୟରୁ ଶୁଭମ ମଗାଡ଼େ ନାମରେ ଜଣେ ପୀଡ଼ିତ ସ୍ଥାନୀୟ ଥାନାରେ ଅଭିଯୋଗ କରିବା ପରେ ପୁଲିସ ମାମଲା ରୁଜୁ କରିଥିଲା।
ପୁଲିସ କହିବା ଅନୁସାରେ, ଅଭିଯୁକ୍ତମାନେ ହେଉଛନ୍ତି ଯୁବରାଜ ଗାଲାନ୍ଦେ, ମନୋଜ ବୋଦାକେ, ଦୀପକ ଗାଏକୱାର୍ଡ, ଦୁର୍ଗେଶ ବୈଦ୍ୟ, ରାଜୁ ବୋରଗ ଓ ପପ୍ପୁ ପାର୍ଖେ।
ପୁଲିସ ଘଟଣାର ପୁଙ୍ଖାନୁପୁଙ୍ଖ ତଦନ୍ତ ଆରମ୍ଭ କରିଛି।
[ad_2]
