[ad_1]
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗ୍ରୀସରୁ ସିଧାସଳଖ ଇସ୍ରୋ ଗସ୍ତ ସାରି ଦିଲ୍ଲୀ ପହଞ୍ଚିଛନ୍ତି । ଏହି ସମୟରେ ମୋଦୀଙ୍କ ସ୍ୱାଗତ ପାଇଁ ଦିଲ୍ଲୀ ଏୟାରପୋର୍ଟରେ ବଡ଼ ସଂଖ୍ୟାରେ ଲୋକ ଉପସ୍ଥିତ ଥିଲେ । ମୋଦୀ ମଧ୍ୟ ତାଙ୍କ ସମର୍ଥକଙ୍କୁ ଧନ୍ୟବାଦ ଜଣାଇବା ସହ ଆମ ସମସ୍ତଙ୍କ ପାଇଁ ଏହା ଗର୍ବର ସମୟ ବୋଲି କହିଛନ୍ତି । ବିଗତ ଦିନରେ ଆମ ବୈଜ୍ଞାନିକଙ୍କ ଯୋଗୁ ଭାରତ ଏକ ନୂଆ ଇତିହାସ ରଚିବାରେ ସଫଳ ହୋଇଛି ଯାହାକି ଏକ ବଡ଼ ଉପଲବ୍ଧି ବୋଲି ମଧ୍ୟ ମୋଦୀ କହିଛନ୍ତି ।
ପ୍ରଧାନମନ୍ତ୍ରୀ ଦିଲ୍ଲୀ ଏୟାରପୋର୍ଟରେ ଓହ୍ଲାଇବା ପରେ ସେଠାରେ ମହଜୁଦ ଥିବା ଲୋକଙ୍କୁ ସମ୍ବୋଧିତ କରିଥିଲେ । ଏହି ସମୟରେ ଜଣେ ବ୍ୟକ୍ତି ତଳେ ପଡ଼ିଯାଇଥିଲେ । ଆଉ ମୋଦୀ ଏହା ଦେଖିବା ପରେ ସମ୍ବୋଧନ ରୋକି ନିଜ ଟିମର ଡାକ୍ତରଙ୍କୁ ଉକ୍ତ ବ୍ୟକ୍ତିଙ୍କୁ ଦେଖିବାକୁ କହିଥିଲେ ।
[ad_2]
