ଭାରତ-ଅଷ୍ଟ୍ରେଲିଆ ମଧ୍ୟରେ ୫ ମ୍ୟାଚ ବିଶିଷ୍ଟ ବର୍ଡର ଗାଭାସ୍କର ଟେଷ୍ଟ ସିରିଜର ଚତୁର୍ଥ ମ୍ୟାଚ ମେଲବର୍ଣ୍ଣ ୨୬ ଡିସେମ୍ବରରୁ ଖେଳାଯିବ । ଏହି ମ୍ୟାଚ ପୂର୍ବରୁ ଟିମ୍ ଇଣ୍ଡିଆରେ ଟେନସନ ବଢିଛି । ଶନିବାର ଅଭ୍ୟାସ କରିବା ସମୟରେ କଏଲ ରାହୁଲ ଆହତ ହୋଇଥିବା ବେଳେ ଆଜି ରୋହିତ ଶର୍ମା ଆହତ ହୋଇଥିବା ଖବର ସାମ୍ନାକୁ ଆସିଛି । ଅଭ୍ୟାସ ସମୟରେ ରୋହିତଙ୍କ ବାମ ଆଣ୍ଠୁରେ ଆଘାତ ଲାଗିଛି । ଯନ୍ତ୍ରଣାରେ ଛଟପଟ ହୋଇ ଆଣ୍ଠୁରେ ଆଇସପ୍ୟାକ୍ ଲଗାଉଥିବାର ଫଟୋ ସାମ୍ନାକୁ ଆସିଛି ।
ଆହତ ହେବା ପରେ ଅଧିନାୟକ ରୋହିତ ଶର୍ମା ପ୍ୟାଡ ଓହ୍ଲାଇ ଚେୟାରରେ ବସିଛନ୍ତି । ତୁରନ୍ତ ତାଙ୍କୁ ଫିଜିଓ ଆସି ଆଇସ ପ୍ୟାକ୍ ଲଗାଇଛନ୍ତି । ପ୍ୟାକ୍ ଲଗାଇବା ପରେ ବି ରୋହିତ ଯନ୍ତ୍ରଣାରେ ଛଟପଟ ହେଉଛନ୍ତି । ଏହାପରେ ରୋହିତଙ୍କୁ ଆରାମ ଅନୁଭୂତ କରାଇବା ପାଇଁ ଆଉ ଏକ ଚେୟାର ରଖୁଛନ୍ତି ।
