ଭାରତ ଛାଡ଼ିବେ ବିରାଟ-ଅନୁଷ୍କା । ସବୁ ଦିନ ପାଇଁ ଲଣ୍ଡନରେ ରହିବେ । କ୍ରିକେଟ ଷ୍ଟାର ବିରାଟ କୋହଲି ଓ ତାଙ୍କ ପତ୍ନୀ ବଲିଉଡ ତାରକା ଅନୁଷ୍କା ସବୁଦିନ ପାଇଁ ଭାରତ ଛାଡ଼ିବାକୁ ନିଷ୍ପତ୍ତି ନେଇଛନ୍ତି । ଦୁଇ ସନ୍ତାନ ଭାମିକା ଓ ଆକାୟଙ୍କ ସହ ସେମାନେ ସବୁଦିନ ପାଇଁ ଲଣ୍ଡନରେ ରହିବେ । କୋହଲିଙ୍କ ପିଲାଦିନର ପ୍ରଶିକ୍ଷକ ରାଜକୁମାର ଶର୍ମା ଏହି ସୂଚନା ଦେଇଛନ୍ତି ।
ନିକଟରେ ବିରୁଷ୍କା ଲଣ୍ଡନରେ ଏକ ମ୍ୟାନେଜମେଣ୍ଟ କଂପାନୀ ଖୋଲିଛନ୍ତି । କ୍ରିକେଟ ଛାଡ଼ିବେ ପରେ ଲଣ୍ଡନରେ ବ୍ୟବସାୟ କରିବେ ବୋଲି କୋହଲି ନିଷ୍ପତ୍ତି ନେଇଛନ୍ତି । ଗତ ଆଇପିଏଲ ପରେ କୋହଲି ଟି- ଟ୍ବେଣ୍ଟି ବିଶ୍ବକପ ଖେଳିଥିଲେ । ଭାରତ ଚାମ୍ପିଅନ ହୋଇଥିବା ବେଳେ କୋହଲି ଓ ଅନୁଷ୍କା ଲଣ୍ଡନ ଚାଲି ଯାଇଥିଲେ । ପରେ ଶ୍ରୀଲଙ୍କା ବିପକ୍ଷ ଦିନିକିଆ ମ୍ୟାଚ ଖେଳିବାକୁ ସେ ଆସିଥିଲେ ।
ଏହାପରେ ସେ ମଧ୍ୟ ଲଣ୍ଡନ ଯାଇଥିଲେ । ଅଗଷ୍ଟ ଯାଏ ରହିବା ପରେ ପୁଣି ଘରୋଇ ଶୃଙ୍ଖଳା ଖେଳିବାକୁ ଭାରତ ଆସିଥିଲେ । ଭାରତ ଚାମ୍ପିଅନସ ଟ୍ରଫି ଖେଳିବା ପରେ କୋହଲି-ଅନୁଷ୍କା ଲଣ୍ଡନ ଯିବେ । ଆଇପିଏଲ ଖେଳିବାକୁ ମାର୍ଚ୍ଚରେ ଆସିବେ । ଲଣ୍ଡନରେ ତାଙ୍କ ପରିବାରର ଗୋପନୀୟତା ବଜାୟ ରହିବ ବୋଲି କୋହଲି ଅନୁଭବ କରିଛନ୍ତି । କ୍ରିକେଟରୁ ଅବସର ପରେ ପତ୍ନୀ ଓ ସନ୍ତାନଙ୍କ ସହ କୋହଲିରେ ଲଣ୍ଡନରେ ସବୁଦିନ ପାଇଁ ରହିବେ ।
