ନାମାଙ୍କନ ଭରିବେ ସୁଜିତ କୁମାର!। ରାଜ୍ୟସଭା ଉପନିର୍ବାଚନ ପାଇଁ ବିଧାନସଭାରେ ନୋମିନେସନ ଫାଇଲ୍ କରିବେ ସୁଜିତ କୁମାର । ବିଜେପିର ପ୍ରାର୍ଥୀ ହେବେ ସୁଜିତ କୁମାର । କିନ୍ତୁ ବିଧିବଦ୍ଧ ଭାବେ ନାଁ ଘୋଷଣା କରିନାହିଁ ବିଜେପି ।
ଆସନ୍ତାକାଲି ନାମାଙ୍କନ ଦାଖଲର ଶେଷ ତାରିଖ ରହିଛି । ୧୧ ତାରିଖରେ ପ୍ରାର୍ଥିପତ୍ର ଯାଞ୍ଚ ହେବାକୁ ଥିବାବେଳେ ୧୩ ତାରିଖ ସୁଦ୍ଧା ନାମାଙ୍କନ ପ୍ରତ୍ୟାହାର ହୋଇପାରିବ । ଡିସେମ୍ବର ୨୦ ତାରିଖରେ ରହିଛି ଭୋଟ ଗ୍ରହଣ ଦିନ। ସୁଜିତ କୁମାରଙ୍କ ଇସ୍ତଫା ପରେ ଓଡ଼ିଶାରୁ ଗୋଟିଏ ରାଜ୍ୟସଭା ଆସନ ଖାଲିପଡିଛି ।
ସେପ୍ଟେମ୍ବର ୬ ତାରିଖରେ ସୁଜିତ କୁମାର ରାଜ୍ୟସଭା ସଦସ୍ୟ ପଦରୁ ଇସ୍ତଫା ଦେଇଥିଲେ। ଏଥିସହ ବିଜେଡିରୁ ମଧ୍ୟ ଇସ୍ତଫା ଦେଇଥିଲେ। ପରେ ସେ ବିଜେପିରେ ମିଶିଥିଲେ ।
