ଭୁବନେଶ୍ବର : ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ଅପ୍ରୀତିକର ପରିସ୍ଥିତି । ବାରମ୍ବାର ବିମାନ ବାତିଲ ପରେ ଯାତ୍ରୀମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଯାହା ଫଳରେ ଯାତ୍ରୀମାନେ ବିମାନ ବନ୍ଦର ପରିସରରେ ଧାରଣାରେ ବସିଛନ୍ତି।
ମିଳିଥିବା ସୂଚନା ଅନୁସାରେ ଭୁବନେଶ୍ବରରୁ ହାଇଦ୍ରାବାଦ ଯିବାକୁ ଥିବା ବିମାନ IX 2932 ବିମାନ ଗତକାଲି ସକାଳ ୯ ଟା୫୫ରେ ଥିବା ବେଳେ କୌଣସି କାରଣ ପାଇଁ ବାତିଲ ହୋଇ ଆଜି ସକାଳ ୮ ଟା ୪୫କୁ ଧାର୍ଯ୍ୟ କରାଯାଇଥିଲା ।
ହେଲେ ଆଜି ବି ସେହି ବିମାନ ବାତିଲ କରାଯାଇଥିଲା। ବାରମ୍ବାର ବିମାନ ବାତିଲ ପରେ ଯାତ୍ରୀମାନେ ଧାରଣାରେ ବସିଥିଲେ। ଏଥି ସହ ବିମାନ ବନ୍ଦର ପରିସରରେ ଉତ୍ତେଜନା ଦେଖାଦେଇଛି। ବିମାନ ବନ୍ଦର କର୍ତ୍ତୃପକ୍ଷ ଯାତ୍ରୀଙ୍କୁ ବୁଝାସୁଝା କରିଥିବା ଜଣାପଡିଛି।
