ମୁମ୍ବାଇ,୨୬/୦୯: ସବୁ ଅପେକ୍ଷାର ହେଲା ଅନ୍ତ । ଆଲିଆ ଭଟ୍ଟଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ଜିଗ୍ରା’ର ଟ୍ରେଲର ରିଲିଜ । ତେବେ ଏହି ଚଳଚ୍ଚିତ୍ରରେ ଆଲିଆଙ୍କ ସହ ନଜର ଆସିବେ ବେଦାଙ୍ଗ ରାଇନା । ଉଭୟ ଭାଇ ଭଉଣୀ ଭୂମିକାରେ ଅଭିନୟ କରିଛନ୍ତି । ତେବେ ଫିଲ୍ମଟି ଭାଇ ଭଉଣୀ ନିଆରା କାହାଣୀ ଉପରେ ଆଧାରିତ ହୋଇଥିବା ବେଳେ ଆଲିଆଙ୍କ ଦମଦାର ଅଭିନୟ ଦେଖିବେ ଦର୍ଶକ ।
ଟ୍ରେଲରକୁ ଲୋକେ ବେଶ ପସନ୍ଦ କରିଥିବାବେଳେ ଉତ୍ସାହର ସହ ଫିଲ୍ମକୁ ଅପେକ୍ଷା କରିଛନ୍ତି।
ତେବେ ଟ୍ରେଲରରେ ଦର୍ଶାଯାଇଛି ଯେ, ସତ୍ୟାଙ୍କ ଭାଇ ଡ୍ରଗ୍ସ ମାମଲାରେ ଫସି ରହିଛନ୍ତି। ଅଙ୍କୁର ତାଙ୍କ ଭଉଣୀଠାରୁ ଦୂରରେ ଏକ ବିଦେଶରେ ଅଛନ୍ତି । ଉଭୟ ଅନାଥ । ନିଜ ଭାଇକୁ ବଞ୍ଚାଇବାକୁ ସତ୍ୟାଙ୍କ ପାଖରେ ମାତ୍ର ତିନି ମାସ ଥିବା ବେଳେ ସେ କିପରି ସବୁ ସଂଘର୍ଷର ସାମ୍ନା କରି ତାଙ୍କୁ ରକ୍ଷା କରୁଛନ୍ତି । ସେ ନିଜ ଭାଇର ସୁରକ୍ଷା କବଚ ସାଜି ଯେ କୌଣସି ସ୍ତରକୁ ଯିବାକୁ ପ୍ରସ୍ତୁତ ହୋଇଛନ୍ତି ଆଲିଆ । ତାହା ଦର୍ଶାଯାଇଛି । ଭାଇ ଉଭଣୀ ଉପରେ ଆଧାରିତ ଏହି ନିଚ୍ଛକ କାହାଣୀକୁ ଲୋକେ ପସନ୍ଦ କରିବେ ବୋଲି ଆଶାବାଦୀ ନିର୍ମାତା ।ସେପଟେ ଆଲିଆ ଇନଷ୍ଟାଗ୍ରାମରେ ଫିଲ୍ମର ଟ୍ରେଲର ସେୟାର କରି କ୍ୟାପସନରେ ଲେଖିଛନ୍ତି, “ସବୁ ସେଟ୍ ହୋଇଛି, ଜିଗ୍ରା ଥିଏଟର ଟ୍ରେଲର ରିଲିଜ ହୋଇଛି । ଏବେ ଆପଣଙ୍କୁ ୧୧ ଅକ୍ଟୋବରରେ ଥିଏଟରକୁ ଯିବାକୁ ହେବ ।” ପ୍ରକାଶ ଥାଉକି, ଅକ୍ଟୋବର ୧୧ରେ ପ୍ରେକ୍ଷାଳୟରେ ‘ଜିଗ୍ରା’ ମୁକ୍ତିଲାଭ କରିବ । ସେହି ଦିନ ରାଜକୁମାର ରାଓ ଏବଂ ତ୍ରିପ୍ତୀ ଡିମ୍ରିଙ୍କ ଅଭିନୀତ ‘ବିକି ବିଦ୍ୟା କା ୱୋ ୱାଲା ଭିଡିଓ’ ମଧ୍ୟ ରିଲିଜ ହେଉଛି । ତେବେ ଉଭୟ ଫିଲ୍ମ ମଧ୍ୟରେ କଡା ଟକ୍କର ଦେଖିବାକୁ ମିଳିବ ।
