ନୂଆଦିଲ୍ଲୀ: ଟେଲିଭିଜନର ସବୁଠାରୁ ବଡ଼ ରିୟଲିଟି ସୋ’ ‘ବିଗ୍ ବସ୍ ୧୬’କୁ ନେଇ ନିକଟରେ ଏକ ବଡ଼ ଖବର ସାମ୍ନାକୁ ଆସିଥିଲା। ନିକଟରେ ଏକ ଖବର ହସ୍ତଗତ ହୋଇଥିଲା ଯେ ଏହି ସୋ’କୁ ସଲ୍ମାନ ଖାନ୍ଙ୍କ ବଦଳରେ ରୋହିତ ସେଟ୍ଟୀ ହୋଷ୍ଟ୍ କରିବେ। ‘ବିଗ୍ ବସ୍ ୧୬’କୁ ନେଇ ଆଗୁଆ ପ୍ରସ୍ତୁତି ଆରମ୍ଭ ହେଲାଣି। ଆପଣ ଜାଣିଥିବେ ନିଶ୍ଚୟ ଯେ ରୋହିିତ ସେଟ୍ଟୀ ଏବେ ‘ଖତ୍ରେଁ କି ଖିଲାଡି’ ସୋ’କୁ ହୋଷ୍ଟ୍ କରୁଛନ୍ତି।
ମାତ୍ର ଏପରି ଏକ ଖବର ଗୁଜବ ବୋଲି ପ୍ରକାଶ ପାଇଛି। ରୋହିତଙ୍କ ନିକଟତର ସୂତ୍ରରୁ ଖବର ମିଳିଛି ଯେ ‘ବିଗ୍ ବସ୍ ୧୬’କୁ ହୋଷ୍ଟ୍ କରିବା ପାଇଁ ରୋହିତଙ୍କୁ ଅଫର୍ ମିଳିନାହିଁ। ରୋହିତ ସୋ’କୁ ହୋଷ୍ଟ୍ କରିବେ ବୋଲି ଯେଉଁ ଖବର ବୁଲୁଛି ତାହା ଏକ ଗୁଜବ ମାତ୍ର। ଚ୍ୟାନେଲ୍ ପକ୍ଷରୁ ବି ଏହି ଖବରକୁ ଗୁଜବ ବୋଲି କୁହାଯାଇଛି।
ଦୀର୍ଘ ଦିନ ହେବ ଏହି ସୋ’କୁ ହୋଷ୍ଟ୍ କରି ଆସୁଛନ୍ତି ଦବଙ୍ଗ ବୟ ସଲ୍ମାନ ଖାନ୍। ସପ୍ତାହନ୍ତରେ ସଲ୍ମାନଙ୍କ ପ୍ରବେଶ ପ୍ରତିଯୋଗୀଙ୍କଠାରୁ ନେଇ ଦର୍ଶକ ସଭିଙ୍କୁ ମନୋରଞ୍ଜନ ଯୋଗାଇ ଥାଏ। କହିବାରୁ ଗଲେ, ସଲ୍ମାନଙ୍କ କାରଣରୁ ହିଁ ସୋ’ର ଖୁବ୍ ଭଲ ଟିଆର୍ପି ରହୁଛି। ତେବେ ଏହି ସୋ’ରେ ସଲ୍ମାନଙ୍କ ସ୍ଥାନରେ ଆଉ କାହାକୁ ଗ୍ରହଣ କରିବା ଏକ ପ୍ରକାରର ଅସମ୍ଭବ।
ନିକଟତମ ଗଣମାଧ୍ୟମ ରିପୋର୍ଟରୁ ଜାଣିବାକୁ ମିଳିଥିଲା ଯେ ସଲ୍ମାନ ଗତ ସିଜିନ୍ ପାଇଁ ୩୦୦ କୋଟି ଟଙ୍କା ଦାବି କରିଥିଲେ। ଏହି ସିଜିନ୍ରେ ସେ ୧୦୦୦ କୋଟି ଦାବି କରୁଥିବା ଶୁଣାଯାଉଛି।
