[ad_1]
ମୁମ୍ବାଇ: ଅମିତ ମୋର ଅସଲି ପୁଅ | ଅର୍ଜୁନ ପୋଷ୍ୟପୁତ୍ର | ଏକ ଫିଲ୍ମର ଟ୍ରେଲର ଲଞ୍ଚ ଇଭେଣ୍ଟରେ ଏଭଳି କହି ଚର୍ଚ୍ଚାରେ ବଲିଉଡ ପ୍ରଯୋଜକ ବୋନି କପୁର | ଫିଲ୍ମ ‘ମଇଦାନ’ର ଟ୍ରେଲର ଲଞ୍ଚ ସମୟରେ ଏହାର ନିର୍ଦେଶକ ଅମିତ ଶର୍ମାଙ୍କୁ ପ୍ରଶଂସା କରି ବୋନି କପୁର କହିଥିଲେ,’ଅମିତଙ୍କୁ ମୁଁ ଗତ କିଛି ବର୍ଷ ହେଲା ଜାଣିଛି | ସେ ମୋର ପ୍ରକୃତ ପୁଅ, ଏବଂ ଅର୍ଜୁନ କପୁର ବୋଧହୁଏ ପୋଷ୍ୟପୁତ୍ର |’ ଥଟ୍ଟାରେ ସେ ଏଭଳି କହିଥିବା ଜଣାପଡିଛି |
Sambad is now on WhatsApp
Join and get latest news updates delivered to you via WhatsApp
ଏହା ସହ ସେ କହିଥିଲେ ଯେ, “ଅମିତ ଫିଲ୍ମ ତେଭର୍ (୨୦୧୫) ଠାରୁ ମୋ ସହିତ ଅଛନ୍ତି | ସେ ମୋତେ ପୁଅ ଭାବରେ ସମସ୍ତ ଭଲପାଇବା ଦିଅନ୍ତି ଏବଂ ମୁଁ ପିତା ଭାବରେ ଯଥାସମ୍ଭବ ମୋର କର୍ତ୍ତବ୍ୟ କରିବାକୁ ଚେଷ୍ଟା କରେ | ବେଳେବେଳେ ସବୁ କାମ ଠିକ ଭାବରେ ହୁଏ ଏବଂ ବେଳେବେଳେ କିଛି ବି ଠିକ ହୁଏ ନାହିଁ | ମୋର ସାମର୍ଥ୍ୟ ଯେତିକି ମୁଁ ସେତିକି କରିପାରେ | ବର୍ତ୍ତମାନ ପର୍ଯ୍ୟନ୍ତ ସେ ଖୁସି ଅଛନ୍ତି | ଅନ୍ତତଃପକ୍ଷେ ସେ ମୁହଁରୁ ତ ଖୁସି ଜଣାପଡୁଛନ୍ତି |”
ଫିଲ୍ମ ବିଷୟରେ କହିବାକୁ ଗଲେ ‘ମଇଦାନ’ରେ ମୁଖ୍ୟ ଭୂମିକାରେ ଅଜୟ ଦେବଗନ୍, ପ୍ରିୟମଣି ଏବଂ ଗଜରାଜ ରାଓ ନଜର ଆସିବେ | ଏହି ଚଳଚ୍ଚିତ୍ରଟି ଚଳିତ ବର୍ଷ ଇଦରେ ମୁକ୍ତିଲାଭ କରିବ। ଅଜୟ ସୟଦ ଅବଦୁଲ ରହୀମଙ୍କ ଭୂମିକାରେ ନଜର ଆସିବେ, ଯିଏ ଭାରତୀୟ ଫୁଟବଲକୁ ନୂତନ ଉଚ୍ଚତାକୁ ନେଇ ଦେଶ ପାଇଁ ଗୌରବ ଆଣିଥିଲେ।
[ad_2]
