ସୀମାନ୍ତର ଜାଗ୍ରତ ପ୍ରହରୀ ହରିବନ୍ଧୁ: ଛାତ୍ର ସମୟରୁ ଆନ୍ଧ୍ର ଦାଦାଗିରିକୁ ପ୍ରତିହତ କରି ଆସୁଛନ୍ତି – bajravana
[ad_1]
ରା.ଉଦୟଗିରି: ଗଜପତି ଜିଲ୍ଲା ରାୟଗଡ଼ ବ୍ଲକ୍ ଗଙ୍ଗାବାଡ଼ ପଞ୍ଚାୟତ ସୀମାନ୍ତରେ ରହିଛି ଚମ୍ପାପୁର, ମାଣିକପାଟଣା, ଆଖଡ଼ା, ମାଦିହାଖୋଲ, ଆମାରିଙ୍ଗି, ବୁରିସିଙ୍ଗ, ଗୁଡୁକୁଡ଼ି। ସେହିଭଳି, ଆନ୍ଧ୍ର ସୀମାନ୍ତରେ ରହିଛି ସିଙ୍ଗିପୁର, ରାଜପୁର, ଖଣ୍ଡମେରା, ବେତଖୋଲ, ପିତରବନ୍ଧ, ତୋଟାସାହି ଓ କୁରୁଡାଲୁ। ତେବେ, ଏଇ ସୀମାନ୍ତରେ ଯିଏ ଓଡ଼ିଶାର ଜାଗ୍ରତ ପ୍ରହରୀ ସାଜି ଆନ୍ଧ୍ରର ଦାଦାଗିରିକୁ ଅଟକାଇଛନ୍ତି ଏବଂ ଅନୁପ୍ରବେଶକୁ ରୋକିଛନ୍ତି, ସେ ହେଲେ ହରିବନ୍ଧୁ କାର୍ଜୀ।
Sambad is now on WhatsApp
Join and get latest news updates delivered to you via WhatsApp
୨୦୦୫ ମସିହାରେ ଯୁକ୍ତ ଦୁଇ ପଢ଼ିବା ସମୟରେ ହରିବନ୍ଧୁ ଆନ୍ଧ୍ରର ଦାଦାଗିରି ଦେଖିଥିଲେ । ଏହାକୁ ରୋକିବା ପାଇଁ ରାଜନୀତିକୁ ମାଧ୍ୟମ କରିଥିଲେ। ହେଲେ, କିଛି ବିକାଶମୂଳକ କାର୍ଯ୍ୟ କରିବା ଛଡ଼ା ସୀମାନ୍ତ ଅଞ୍ଚଳର ଲୋକଙ୍କ ପାଇଁ ସେମିତି କିଛି ଆଖିଦୃଶିଆ ପଦକ୍ଷେପ ନେଇ ପାରିଲେ ନାହିଁ । ସ୍ନାତକ ପରେ ଆଇନ ପଢ଼ିଥିବା ହରିବନ୍ଧୁ ଏହି ପଞ୍ଚାୟତର ୨୦୧୨ ଏବଂ ୨୦୨୨ରେ ଦୁଇଥର ସରପଞ୍ଚ ହୋଇଛନ୍ତି। ଏହିସମୟ ମଧ୍ୟରେ ଆନ୍ଧ୍ର ଦଖଲ କରିଥିବା ଶହ ଶହ ଏକର କାଜୁ ତୋଟା ଓ ଚାଷ ଜମି ଫେରାଇ ଆଣିବାରେ ସକ୍ଷମ ହୋଇଛନ୍ତି। ଏଥିରେ ପ୍ରାୟ ୮ଟି ଗ୍ରାମର ୧୧୦ ପରିବାର ଜୀବିକା ନିର୍ବାହ କରୁଛନ୍ତି। କେବଳ ସେତିକି ନୁହେଁ, ଜଣେ ଜାଗ୍ରତ ପ୍ରହରୀ ଭଳି ହରିବନ୍ଧୁ ଆନ୍ଧ୍ର ଅନୁପ୍ରବେଶର ପ୍ରତ୍ୟେକ ଖବର ଜିଲ୍ଲା ପ୍ରଶାସନ ଓ ଗଣମାଧ୍ୟମ ନିକଟରେ ପହଞ୍ଚାନ୍ତି । ତାଙ୍କରି ଏଭଳି ଉଦ୍ୟମକୁ ଯଦି ଅଧିକ ସହଯୋଗ ମିଳନ୍ତା, ହୁଏତ ନବପିଢ଼ି ମଧ୍ୟ ଆନ୍ଧ୍ରର ମିଛ ପ୍ରତିଶ୍ରୁତିରେ ଭଳି ଯାଆନ୍ତେ ନାହିଁ ବୋଲି ବୁଦ୍ଧିଜୀବୀ ମହଲରେ ମତପ୍ରକାଶ ପାଇଛି।
[ad_2]
