[ad_1]
ରାଞ୍ଚି: ଝାଡ଼ଖଣ୍ଡର ରାଞ୍ଚିଠାରେ ଖେଳାଯାଉଥିବା ଭାରତ-ଇଂଲଣ୍ଡ ୪ର୍ଥ ଟେଷ୍ଟର ପ୍ରଥମ ଦିନର ଖେଳ ଶେଷ ସୁଦ୍ଧା ଇଂଲଣ୍ଡ ୭ ଓ୍ବିକେଟ ହରାଇ ୩୦୨ ରନ କରିଛି । ଦଳ ପକ୍ଷରୁ ଜୋ ରୁଟ୍ ଅପରାଜିତ ଶତକ ଅର୍ଜନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ମ୍ୟାଚରେ ଇଂଲଣ୍ଡ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଦଳର ଦୁଇ ଓପନର ଜାକ୍ କ୍ରାଉଲି ଓ ବେନ ଡକେଟ୍ ଭଲ ଆରମ୍ଭ କରିଥିଲେ । କିନ୍ତୁ ୪୭ ରନରେ ଦଳ ୨ଟି ଓ୍ବିକେଟ ହରାଇଥିଲା । ଡକେଟ ମାତ୍ର ୧୧ ରନ କରି ଆଉଟ ହେବା ପରେ ଓଲି ପୋପ ଖାତା ଖୋଲିପାରିନଥିଲେ । ଏହାର କିଛି ସମୟ ପରେ କ୍ରାଉଲି ବି ୪୭ ରନ କରି ଆଉଟ ହୋଇଥିଲେ । ସେହି ସମୟରେ ଦଳର ସ୍କୋର ଥିଲା ୫୭ ରନ । ତେବେ ଜୋ ରୁଟ୍ ଲଢୁଆ ବ୍ୟାଟିଂର ପ୍ରଦର୍ଶନ କରିଥିଲେ । ସେ ଜନି ବେୟାରଷ୍ଟୋଙ୍କ ସହିତ ଏକ ଭଲ ପାର୍ଟନରସିପ କରି ସ୍କୋରକୁ ଆଗେଇ ନେଇଥିଲେ । କିନ୍ତୁ ବେୟାରଷ୍ଟୋ ୩୮ ରନ କରି ଆଉଟ ହେବା ପରେ ଆସିଥିବା ଅଧିନାୟକ ବେନ ଷ୍ଟୋକ୍ସ ବିଫଳ ହୋଇଥିଲେ ଓ ମାତ୍ର ୩ ରନ କରି ଆଉଟ ହୋଇଥିଲେ । ତେବେ ବେନ ଫୋକ୍ସ ୪୭ ରନର ଏକ ଭଲ ଇନିଂସ ଖେଳିଥିଲେ । ଆଜିର ଷ୍ଟମ୍ସ ଅପସାରଣ ବେଳକୁ ରୁଟ ଅପରାଜିତ ୧୦୬ ରନକରିଥିବାବେଳେ ଓଲି ରବିନସନ ୩୧ରନ କରି ଖେଳୁଛନ୍ତି । ଭାରତ ପକ୍ଷରୁ ଆକାଶଦୀପ ୩ଟି ଓ ମହମ୍ମଦ ସିରାଜ ୨ଟି ଓ୍ବିକେଟ ନେଇଥିଲେ ।
[ad_2]
