[ad_1]
ଓଲିଉଡର ପ୍ରତିଭାବାନ ଅଭିନେତା ଅଭିଷେକ ଗିରିଙ୍କୁ ଖୁବ୍ ଶୀଘ୍ର ଦେଖିବାକୁ ମିଳିବ ପୁଣି ଏକ ଓଡ଼ିଆ ସିନେମାରେ। ରାସେଶ୍ୱରୀ ଏଣ୍ଟରଟେନମେଣ୍ଟର ଷଷ୍ଠ ସିନେମା ‘ସିନ୍ଦୂରା’ ଏବେ ମୁକ୍ତି ପ୍ରତୀକ୍ଷାରେ ରହିଛି, ଯେଉଁଥିରେ ତାଙ୍କୁ ନାୟକ ଭୂମିକାରେ ଦେଖିବାକୁ ମିଳିବ। ଫିଲ୍ମରେ ନିଜ ଭୂମିକାକୁ ନେଇ ବେଶ ଉତ୍ସାହିତ ଅଛନ୍ତି ଅଭିଷେକ। ଏଥିରେ ଅଭିଷେକ ଜଣେ ୟୁଟ୍ୟୁବର ଭୂମିକାରେ ନଜର ଆସିବେ, ଯିଏକି ମଜାଳିଆ ଭିଡିଓ ପୋଷ୍ଟ କରି ଚର୍ଚ୍ଚାରେ ଥାଆନ୍ତି। ଯେତେବେଳେ କର୍ତ୍ତବ୍ୟର ଆହ୍ୱାନ ଆସିଲା ସେ କେମିତି ନିଜର ସବୁ ସୁଖ ସ୍ବାଚ୍ଛନ୍ଦ୍ୟ, ୟୁଟ୍ୟୁବର ଗୋଲ୍ଡ ବଟନ୍ ଓ ପରିବାର ମୋହ ତ୍ୟାଗ କରି ନିଜକୁ ସମାଜ ସେବା ପାଇଁ ସମର୍ପଣ କରିଛି ତାହା ଅତି ସୁନ୍ଦର ଭାବରେ ଏହି କାହାଣୀରେ ଦର୍ଶାଯାଇଛିl ଏଥିରେ ତାଙ୍କ ଅଭିନୀତ ଚରିତ୍ରର ନାଆଁ ରହିଛି ଆକାଶ।
Sambad is now on WhatsApp
Join and get latest news updates delivered to you via WhatsApp
‘ସିନ୍ଦୂରା’ରେ ପ୍ରଥମ ଥର ଲାଗି ଅଭିଷେକ ଗିରିଙ୍କ ସହ ନଜର ଆସିବେ ସୁପ୍ରିୟା। ଏଥିରେ ପ୍ରଜ୍ଞା, ଶଙ୍କର, ପୃଥ୍ବୀରାଜ, ଉଷସୀ ମିଶ୍ର ଓ ଜୀବନ ପଣ୍ଡା ପ୍ରମୁଖ ବି ଅଭିନୟ କରିଛନ୍ତି। ସିନେମାର କାହାଣୀ ଓ ନିର୍ଦ୍ଦେଶନା ଦାୟିତ୍ବରେ ଅଛନ୍ତି ବିରଞ୍ଚି ନାରାୟଣ ପଣ୍ଡା। କାର୍ଯ୍ୟକାରୀ ନିର୍ଦ୍ଦେଶନାରେ ଅଛନ୍ତି ଜିତେନ୍ଦ୍ର ଜେନା। ଦିଲୀପ ଦାସ ଏହାର ପ୍ରଯୋଜକ। ପ୍ରେମ ଆନନ୍ଦ ଏହାର ସଙ୍ଗୀତକାର। ଫିଲ୍ମର ସଂଳାପ ଓ ଗୀତ ଲେଖିଛନ୍ତି ବିଜୟ ଦାସ। ଏହାର ଗୀତଗୁଡ଼ିକରେ କଣ୍ଠଦାନ କରିଛନ୍ତି ଅନନ୍ୟା, କୁଲଦୀପ, କ୍ରିଷ୍ଣା ବେଉରା, ଶିବାଶିଷ ଓ ଶଶାଙ୍କ ଶେଖର ପ୍ରମୁଖ। ଦର୍ଶକ ଅଭିଷେକଙ୍କୁ କେତେ ପସନ୍ଦ କରୁଛନ୍ତି, ତାହା ଦେଖିବାକୁ ବାକି ରହିଛି। ଆଗରୁ ଅଭିଷେକ ”ଏଇ ଆକାଶ ତଳେ” ଚଳଚ୍ଚିତ୍ରରେ ଦମଦାର ଅଭିନୟ କରିଛନ୍ତି। ଏହାଛଡ଼ା, ତାଙ୍କୁ ‘ଅଧାଲେଖା ଗପ’ ସମେତ କେତେକ ଟେଲି ସିନେମାରେ ବି ଦେଖିଛନ୍ତି ଦର୍ଶକ।
[ad_2]
