[ad_1]
ଜଳେଶ୍ଵର: ବାଲେଶ୍ବର ଜିଲ୍ଲା କମର୍ଦ୍ଦା ଥାନା ଅନ୍ତର୍ଗତ ଉଲୁଡା ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି।ଘଟଣା ସ୍ଥଳରେ ଦୁଇ ଜଣ ସାଙ୍ଗଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ସାଙ୍ଗ ଜଣେ ଗୁରୁତର ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିବରଣୀରୁ ପ୍ରକାଶ ଯେ ଗତକାଲି ବସ୍ତା ଥାନା ଅଧୀନସ୍ଥ ବୃନ୍ଦାବନପୁର ଗ୍ରାମର ଦୁଇ ଜଣ ଏବଂ ବାହାର୍ଦ୍ଦା ଗ୍ରାମର ଜଣେ ଯୁବକଙ୍କୁ ମିଶାଇ ମୋଟ ୩ ଜଣ ଗୋଟିଏ ବାଇକରେ ତାସାରୀ ବେଳାଭୂମିକୁ ବୁଲିବାକୁ ଯାଇ ରାତିରେ ଫେରୁଥିଲେ। ତେବେ ଉଲୁଡା ଛକ ନିକଟରେ ରାସ୍ତାକଡ଼ରେ ଛିଡ଼ା ହୋଇଥିବା ଏକ ଟ୍ରକକୁ ପଛପଟୁ ବାଇକଟି ଧକ୍କା ଦେବା ଫଳରେ ଘଟଣା ସ୍ଥଳରେ ଦୁଇ ଜଣ ସାଙ୍ଗଙ୍କ ମୃତ୍ୟୁ ହୋଇଥିଲା।
ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ଲୋକେ ନିକଟସ୍ଥ ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇ ଥିଲେ। ମାତ୍ର ସେଠାରେ ତାଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ମୃତ ଦୁଇ ଯୁବକ ହେଉଛନ୍ତି ବସ୍ତା ଥାନା ବୃନ୍ଦାବନପୁର ଗ୍ରାମର ବିଶ୍ବ ବିକାଶ ପରିଡ଼ା ଏବଂ ଅନ୍ୟ ଜଣେ ବାହାର୍ଦ୍ଦା ଗ୍ରାମର ଆକାଶ ଭକ୍ତା। ଗୁରୁତର ହୋଇଥିବା ଯୁବକ ଜଣକ ହେଉଛନ୍ତି ବୃନ୍ଦାବନପୁର ଗ୍ରାମର ସୁନୀଲ ବେହେରା।ଖବର ପାଇ କମର୍ଦ୍ଦା ଥାନା ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି। ଘନ କୁହୁଡ଼ି ଯୋଗୁଁ ଏହି ଦୁର୍ଘଟଣା ଘଟିଥିବା କୁହାଯାଉଛି।
[ad_2]
