[ad_1]
ମୁମ୍ବାଇ: ନିରବି ଗଲେ ସଙ୍ଗୀତ ସମ୍ରାଟ ଉସ୍ତାଦ ରସିଦ୍ ଖାନ୍। ୫୫ବର୍ଷ ବୟସରେ କର୍କଟ ନେଲା ଜୀବନ। ଦୀର୍ଘ ଦିନ ଧରି ସେ କର୍କଟ ରୋଗ ସହ ଲଢ଼ୁଥିବା ବେଳେ ଆଜି ତାଙ୍କର ଦେହାନ୍ତ ହୋଇଛି। ଉସ୍ତାଦ୍ ରସିଦ ଖାନ ପ୍ରୋଷ୍ଟେଟ କର୍କଟ ରୋଗରେ ପୀଡିତ ଥିଲେ, ଯେଉଁଥିପାଇଁ ସେ କୋଲକାତାର ଏକ ଡାକ୍ତରଖାନାରେ ଚିକିତ୍ସିତ ହେଉଥିଲେ। କୁହାଯାଉଛି ଯେ, କିଛି ଦିନ ହେବ ସେ ଭେଣ୍ଟିଲେଟରରେ ରହିଥିଲେ। ହେଲେ ସମସ୍ତ ଉଦ୍ୟମ ସତ୍ତ୍ବେ ଡାକ୍ତର ତାଙ୍କୁ ବଞ୍ଚାଇ ପାରିନଥିଲେ।
Sambad is now on WhatsApp
Join and get latest news updates delivered to you via WhatsApp
ଡାକ୍ତରଖାନାର ଜଣେ ଅଧିକାରୀ କହିଛନ୍ତି ଯେ, ‘ଆମେ ତାଙ୍କୁ ବଞ୍ଚାଇବା ପାଇଁ ବହୁତ ଚେଷ୍ଟା କରିଥିଲୁ କିନ୍ତୁ ବିଫଳ ହେଲୁ। ଅପରାହ୍ନ ପ୍ରାୟ ୩ଟା ୪୫ରେ ତାଙ୍କର ଦେହାନ୍ତ ହେଲା।’
ତେବେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଉସ୍ତାଦ୍ ରସିଦ ଖାନଙ୍କ ଦେହାନ୍ତରେ ସମବେଦନା ଜଣାଇଛନ୍ତି। ସେ କହିଛନ୍ତି, ‘ସମଗ୍ର ଦେଶ ତଥା ସମଗ୍ର ସଙ୍ଗୀତ ଜଗତ ପାଇଁ ଏହା ଏକ ଅପୂରଣୀୟ କ୍ଷତି। ମୁଁ ବହୁତ ଦୁଃଖିତ। ରସିଦ ଖାନ ଆଉ ନାହାଁନ୍ତି ବୋଲି ମୁଁ ବିଶ୍ବାସ କରିପାରୁନାହିଁ।
କୁହାଯାଉଛି ଯେ, ଗତ ମାସରେ ମସ୍ତିଷ୍କ ଆକ୍ରମଣର ଶିକାର ହେବା ପରେ ଉସ୍ତାଦ୍ ରସିଦ ଖାନଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହୋଇପଡିଥିଲା। ସେ ପ୍ରଥମେ ଟାଟା ମେମୋରିଆଲ କ୍ୟାନସର ହସ୍ପିଟାଲରେ ନିଜର ଚିକିତ୍ସା କରିଥିଲେ। ହେଲେ ପରେ ସେ କୋଲକାତାର ଏକ ଡାକ୍ତରଖାନାରେ ଚିକିତ୍ସା ଜାରି ରଖିବାକୁ ନିଷ୍ପତ୍ତି ନେଇଥିଲେ। ଏହା ପରେ ତାଙ୍କ ସ୍ବାସ୍ଥ୍ୟାବସ୍ଥାରେ ସୁଧାର ଆସିଥିଲେ ବି କିଛି ଦିନ ପରେ ସେ ପୁଣି ଅସୁସ୍ଥ ହୋଇପଡ଼ିଥିଲେ।
ତାଙ୍କ ପେସାଦାର ଜୀବନକୁ ଦେଖିବାକୁ ଗଲେ ଉସ୍ତାଦ୍ ରସିଦ୍ ଖାନ୍ ଶାହିଦ କପୁର ଏବଂ କରୀନା କପୁର ଖାନଙ୍କ ଫିଲ୍ମ ‘ଜବ୍ ଉଇ ମେଟ୍’ ପାଇଁ ‘ଆଓଗେ ଜବ୍ ତୁମ୍’ ଗାଇଥିଲେ, ଯାହାକି ବେଶ୍ ଲୋକପ୍ରିୟ ହୋଇଥିଲା। ଏହା ବ୍ୟତୀତ ସେ ‘ମାଇଁ ନେମ ଇଜ୍ ଖାନ୍’, ‘ରାଜ୍’ ‘,’ ମଣ୍ଟୋ ‘ଏବଂ ‘ଶାଦି ମେନ୍ ଜରୁର ଆନା ‘ଭଳି ଚଳଚ୍ଚିତ୍ରରେ ନିଜ ସ୍ବରର ଯାଦୁ ଦେଖାଇଥିଲେ।
ଶାସ୍ତ୍ରୀୟ ସଙ୍ଗୀତ ପାଇଁ ଖ୍ୟାତି ଅର୍ଜନ କରିଥିବା ରସିଦ ଖାନଙ୍କୁ ଅନେକ ବଡ଼ ବଡ଼ ପୁରସ୍କାର ଦିଆଯାଇ ସମ୍ମାନିତ କରାଯାଇଥିଲା। ତାଙ୍କ ପଦ୍ମଶ୍ରୀ, ବଙ୍ଗ ଭୂଷଣ, ସଙ୍ଗୀତ ନାଟକ ଏକାଡେମୀ ଆୱାର୍ଡ, ଗ୍ଲୋବାଲ ଇଣ୍ଡିଆନ ମ୍ୟୁଜିକ୍ ଏକାଡେମୀ ଆୱାର୍ଡ, ମହା ସଙ୍ଗୀତ ସମ୍ମାନ ଆୱାର୍ଡ, ମିର୍ଚ୍ଚି ମ୍ୟୁଜିକ୍ ଆୱାର୍ଡ ଓ ପଦ୍ମଭୂଷଣ ପୁରସ୍କାରର ସମ୍ମାନିତ କରାଯାଇଥିଲା।
[ad_2]
