[ad_1]
ମୁମ୍ବାଇ: ବଲିଉଡର ଟାଇଗର ତଥା ସଲମାନ ଖାନ୍ ଆଜି ୫୮ବର୍ଷ ବୟସରେ ପାଦ ଦେଇଛନ୍ତି। ଗତକାଲି ରାତିରେ ଅଭିନେତାଙ୍କ ପାଇଁ ଏକ ବଡ ଜନ୍ମଦିନ ପାର୍ଟିର ଆୟୋଜନ କରାଯାଇଥିଲା, ଯାହାର ଅନେକ ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହୋଇଛି। ଟାଇଗର-୩ ବକ୍ସ ଅଫିସରେ ସୁପରହିଟ୍ ହେବା ପରେ ଏବେ ଚର୍ଚ୍ଚାରେ ରହିଛନ୍ତି ସଲମାନ।
Sambad is now on WhatsApp
Join and get latest news updates delivered to you via WhatsApp
ତେବେ ଫିଲ୍ମ, ରିୟାଲିଟି ସୋ’, ବିଜ୍ଞାପନ ଓ ବ୍ୟବସାୟରୁ କୋଟି କୋଟି ଟଙ୍କା ଆୟ କରୁଥିବା ସଲମାନଙ୍କ ଘରର ବିଜୁଳି ବିଲ୍ କେତେ ଆପଣ ଜାଣନ୍ତି କି? ସଲମାନ ବାନ୍ଦ୍ରାରେ ଥିବା ଗ୍ୟାଲେକ୍ସି ଆପାର୍ଟମେଣ୍ଟରେ ରହନ୍ତି। ଏହି ଆପାର୍ଟମେଣ୍ଟର ମାସିକ ବିଜୁଳି ବିଲ୍ ୨୩-୨୫ଲକ୍ଷ ଟଙ୍କା ବୋଲି ଅନେକ ଜାତୀୟ ଗଣମାଧ୍ୟମ ଦାବି କରିଛନ୍ତି।
ତେବେ ରବିବାର ସଲମାନଙ୍କ ସାନ ଭାଇ ଅରବାଜଙ୍କ ଦ୍ବିତୀୟ ବିବାହ ହୋଇଥିଲା। ସେ ମେକଅପ୍ ଆର୍ଟିଷ୍ଟ ଶୁରା ଖାନଙ୍କୁ ବିବାହ କରିଥିଲେ। ବିବାହ ପରେ ସୋସିଆଲ ମିଡିଆରେ ସେ ସମୟରେ ଅନେକ ଭିଡିଓ ଭାଇରାଲ ହୋଇଥିବା ବେଳେ ଦବଙ୍ଗ ଷ୍ଟାର ସଲମାନ ଖୁସିରେ ନାଚୁଥିବାର ଭିଡିଓ ମଧ୍ୟ ଭାଇରାଲ ହୋଇଥିଲା। ସଲମାନ ଭାଉଜ ଶୁରା ଖାନଙ୍କୁ ସ୍ବାଗତ କରିବା ପାଇଁ ନିଜ ଫିଲ୍ମର ଗୀତରେ ନାଚିଥିଲେ। ଗୀତଟି ଥିଲା ‘ତେରେ ମସ୍ତ ମସ୍ତ ଦୋ ନୈନ୍’ ଓ ‘ଦିଲ୍ ଦିଆ ଗଲାନ୍’। ହର୍ଷଦୀପ କୌର ଲାଇଭ୍ ଗୀତ ଗାଉଥିବା ବେଳେ ସଲମାନ, ଶୁରା ଖାନ୍, ଅରବାଜଙ୍କ ପୁଅ ଓ ଅନ୍ୟ କିଛି ଜଣକ ସହ ନାଚୁଥିବାର ଦେଖିବାକୁ ମିଳିଥିଲା।
[ad_2]
