[ad_1]
ରାଇରଙ୍ଗପୁର/ବାଦାମପାହାଡ଼: ମୟୂରଭଞ୍ଜ ଜିଲ୍ଲା ବାଦାମପାହାଡ଼ ଥାନା ଅନ୍ତର୍ଗତ ଧଙ୍ଗୁଡ଼ିମୁତା ଗ୍ରାମପଞ୍ଚାୟତ ଚୁଡ଼ିଙ୍ଗସାହିରେ ଦେଢ଼ବର୍ଷ ବୟସର ଶିଶୁପୁତ୍ର ଶୋଇବା ଖଟରୁ ପଡ଼ି ପ୍ରାଣ ହରାଇଛି। ମୃତ ଶିଶୁପୁତ୍ରର ନାମ ବାଜୁ ସିଂ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ଚୁଡ଼ିଙ୍ଗସାହିରେ ଜଣେ ମହିଳା ନିଜର ଦେଢ଼ ବର୍ଷ ବୟସର ଶିଶୁପୁତ୍ର ବାଜୁ ସିଂକୁ ଖଟରେ ଶୁଆଇ ଦେଇ ପାଣି ଆଣିବାକୁ ଯାଇଥିଲେ। ଏହି ସମୟରେ ଶିଶୁଟି ଖଟରୁ ତଳେ ପଡ଼ି ଯାଇଥିଲା। ପରିବାର ଲୋକେ ଘଟଣା ଦେଖିଲା ବେଳକୁ ଶିଶୁପୁତ୍ର ଚିତ୍କାର କରି କାନ୍ଦୁଥିଲା। ପରିବାର ଲୋକେ ଭୟଭୀତ ତୁରନ୍ତ ଶିଶୁକୁ ଉଦ୍ଧାର କରି ବାଦାମପାହାଡ଼ ଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ। ପରେ ସେଠାରୁ ଶିଶୁପୁତ୍ରକୁ ଗୁରୁତର ଅବସ୍ଥାରେ ରାଇରଙ୍ଗପୁର ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା।
ତେବେ ଡାକ୍ତରଖାନାରେ ଶିଶୁକୁ ଡାକ୍ତର ମୃତ ଘୋଷଣା କରିଥିଲେ। ଶିଶୁପୁତ୍ରର ମୃତ୍ୟୁ ନେଇ ପରିବାର ଲୋକେ ଦୁଃଖରେ ଭାଙ୍ଗିପଡ଼ିଛନ୍ତି। ଏନେଇ ପୁଲିସ ଏକ ଅପମତ୍ୟୁ ମାମଲା ରୁଜୁ କରିଛି।
[ad_2]
