[ad_1]
ବସ୍ତା: ୧୬ନମ୍ବର ଜାତୀୟ ରାଜପଥ ଦିନକୁ ଦିନ ଅସୁରକ୍ଷିତ ହୋଇ ପଡ଼ୁଛି। ଚୋରି, ଛିନ୍ତାଇ, ରାହାଜାନୀ, ସହିତ ନିଶା କାରବାର ପାଇଁ ବେସ ଚର୍ଚ୍ଚାରେ ଥିବା ବେଳେ,ଏବେ ଫିଲ୍ମ ଷ୍ଟାଇଲରେ ଅପହରଣ ସାଧରଣରେ ଆତଙ୍କ ଖେଳି ଯାଇଛି। ବାଲେଶ୍ବର ଜିଲ୍ଲା ବସ୍ତା ଥାନା ୬୦ ନମ୍ବର ଜାତୀୟ ରାଜପଥର ଜୁଣ ବଳଦା ପେଟ୍ରୋଲ ପମ୍ପର ଅନତି ଦୂରରେ ବାଲେଶ୍ଵର ପଟୁ ଜଳେଶ୍ଵର ଅଭିମୁଖେ ଯାଉଥିବା ବେଳେ, ମଧ୍ୟାହ୍ନ ପ୍ରାୟ ୧୨.୩୦ ସମୟରେ, ସ୍ପଷ୍ଟ ଦିବା ଲୋକରେ ଅଚାନକ ଫିଲ୍ମ ଷ୍ଟାଇଲରେ ଏକ ନାଲିବତୀ ଗାଡ଼ିରେ ଚାରିପାଞ୍ଚ ଜଣ ଯୁବକ ଆସି ଦୁଇ ଜଣ ଯୁବକଙ୍କୁ ବଳପୂର୍ବକ ଉଠାଇ ନେଇ ଥିଲେ। ନାଲିବତୀକୁ ଖସାଇ ଗାଡ଼ି ଭିତରେ ଲୁଚାଇ ପଶ୍ଚିମବଙ୍ଗ ଅଭିମୁଖେ ଦ୍ରୁତଗତିରେ ପଳାଇ ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏନେଇ ଜାତୀୟ ରାଜପଥ ପେଟ୍ରୋଲିଙ୍ଗ ଭ୍ୟାନ୍ ବସ୍ତା ଓ ଜଳେଶ୍ଵର ପୁଲିସକୁ ଅବଗତ କରାଇବା ସହିତ ଘଟଣାସ୍ଥଳରେ ପହଞ୍ଚି ଗୋଟିଏ ନାଲି ରଙ୍ଗର ପାସନ୍ ପ୍ଲସ ବାଇକ ସହିତ ଏକ ହଳଦିଆ ରଙ୍ଗର ସ୍କୁଟି (ଓଡି ୦୧ୱାଇ ୪୦୬୧ ଓ ଓଡି ୦୧ଏଏଚ୍ ୪୭୦୪)କୁ ଜବତ କରି ସ୍ଥାନୀୟ ଅମରଦାରୋଡ ଫାଣ୍ଡିକୁ ହସ୍ତାନ୍ତର କରିଛି। ପୁଲିସ ଘଟଣାର ଅଧିକ ତଦାନ୍ତ ଜାରି ରଖିଥିବା ବେଳେ, ସାଧାରଣରେ ଲୋକେ ଭୟଭୀତ ଆତଙ୍କିତ ହୋଇ ପଡିଛନ୍ତି।
[ad_2]
