[ad_1]
ମୁମ୍ବାଇ: ବିଗ୍ବସ୍-୧୭ରେ ପ୍ରତିଦିନ କିଛି ନା କିଛି ନୂଆ ନୂଆ ଡ୍ରାମା ଦେଖିବାକୁ ମିଳୁଛି। ସୋସିଆଲ୍ ମିଡିଆର ବିଗ୍ବସ୍ର ଏକ ନୂଆ ଭିଡିଓ ଭାଇରାଲ୍ ହେବାରେ ଲାଗିଛି। ଯେଉଁ ଭିଡିଓରେ ଜଣେ ପ୍ରତିଯୋଗୀଙ୍କୁ ସଲ୍ମାନ୍ ଖୁବ୍ ଗାଳି ଦେଉଥିବାର ଦେଖିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଏବେ ଖବର ଆସୁଛି ଯେ ବିଗ୍ ବସ୍ ଗୃହରେ ସଲ୍ମାନଙ୍କଠାରୁ ଗାଳି ଶୁଣିଥିବା ପ୍ରତିଯୋଗୀ ଆୟେଶା ଗତ ରାତିରେ ବେହୋସ ହୋଇ ଯାଇଥିଲେ। ଏହାପରେ ତାଙ୍କୁ ତୁରନ୍ତ ହସ୍ପିଟାଲ୍ ନିଆ ଯାଇଥିଲା। ସେଠାରେ ତାଙ୍କର ଚିକିତ୍ସା ହୋଇଛି। ସୂଚନା ରହିଛି ଯେ ଚିକିତ୍ସା ପରେ ଆୟେଶା କିଛି ସମୟ ପାଇଁ ଆରାମ କରିଥିଲେ।
ଏବେ ସେ ଧୀରେ ଧୀରେ ସୁସ୍ଥ ହେଉଛନ୍ତି ଓ ବିଗ୍ବସ୍ ଗୃହକୁ ଫେରି ଆସିଛନ୍ତି। ନିକଟରେ ବିଗ୍ବସ୍-୧୭ର ‘ୱିକେଣ୍ଡ୍ କା ବାର୍’ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା। ଏଥିରେ ସଲ୍ମାନ ଆୟେଶା ଓ ମୁନ୍ନୱରଙ୍କୁ ଗାଳି ଦେଉଥିବାର ନଜର ଆସିଥିଲେ। ସେ ଦୁଇ ଜଣଙ୍କ ସଂପର୍କକୁ ନେଇ ପ୍ରଶ୍ନ କରିଥିଲେ।
ଆୟେଶାଙ୍କୁ ସଲ୍ମାନ ତାଙ୍କର ସୋ’କୁ ଆସିବା ଉଦ୍ଦେଶ୍ୟ କ’ଣ ବୋଲି ପଚାରୁଥିବାର ବି ଭିଡିଓରେ ଦେଖିବାକୁ ମିଳିଥିଲା। ସଲ୍ମାନ ଆୟେଶା ଓ ମୁନ୍ନୱରଙ୍କୁ ଏକଥା ବି କହିଛନ୍ତି ଯେ ସେମାନଙ୍କ ସଂପର୍କ ରାଗର ସଂପର୍କ ପରି ନଜର ଆସୁନାହିଁ। ତାପରେ ସଲ୍ମାନ ମୁନ୍ନୱରଙ୍କୁ ଆୟେଶାଙ୍କ ପ୍ରତି ସମବେଦନା ଦେଖାଇବାର କାରଣ ବି ପଚାରିଥିଲେ। ଆପଣ ଜାଣନ୍ତି ଯେ ମୁନ୍ନଓର ଫାରୁକି ଓ ଆୟେଶାଙ୍କୁ ନେଇ ଗତ ଦିନମାନଙ୍କରେ ଅନେକ ଡ୍ରାମା ହୋଇଛି।
[ad_2]
