[ad_1]
ନୂଆଦିଲ୍ଲୀ: ବିଶ୍ବ ସୁନ୍ଦରୀ ଐଶ୍ବର୍ଯ୍ୟା ରାୟ ବଚ୍ଚନ ଏବଂ ଅଭିଷେକ ବଚ୍ଚନଙ୍କ ଛାଡପତ୍ର ଖବର ଗତକାଲି ଚର୍ଚ୍ଚାର ବିଷୟ ପାଲଟିଛି। ଖବର ଆସିଥିଲା ଯେ ଭିନେତ୍ରୀ ତାଙ୍କ ଶାଶୂଘର ଛାଡି ତାଙ୍କ ମା’ଙ୍କ ସହ ରହିବାକୁ ନିଷ୍ପତ୍ତି ନେଇଛନ୍ତି। ଏହା କେତେ ସତ ତାହା ତ ପରବର୍ତ୍ତୀ ସମୟରେ ଜଣାପଡ଼ିବ। ହେଲେ ଐଶ୍ବଙ୍କର ଏକ ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେଉଛି। ଯେଉଁଥିରେ ସେ ଖୁସି ହେଉଥିବାର ଦେଖିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଭିଡିଓରେ ଦେଖିବାକୁ ମିଳିଛି ଯେ ମଞ୍ଚ ଉପରେ ନୃତ୍ୟ ପ୍ରଦର୍ଶନ କରୁଛନ୍ତି ଐଶ୍ବର୍ଯ୍ୟା ଓ ଅଭିଷେକଙ୍କ ଝିଅ ଆରାଧ୍ୟା। ସେ ଏକଦମ ଜଣେ ଷ୍ଟାର୍ଙ୍କ ପରି ପ୍ରଦର୍ଶନ କରୁଛନ୍ତି। ଆରାଧ୍ୟା ନାଚୁଥିବା ବେଳେ ହସି ହସି ତାହାକୁ ଭିଡିଓ ସୁଟ୍ କରୁଛନ୍ତି ମାଆ ଐଶ୍ବ୍।
ଆରାଧ୍ୟା ବଚ୍ଚନ ତାଙ୍କ ସ୍କୁଲ୍ରେ ପ୍ରଦର୍ଶନ କରୁଥିବାର ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ପ୍ରଥମ ଥର ପାଇଁ ଆରାଧ୍ୟାଙ୍କୁ ଏକ ଭିନ୍ନ ‘ହେୟାର୍ ଷ୍ଟାଇଲ୍’ରେ ଦେଖି ସୋସିଆଲ୍ ମିଡିଆ ବ୍ୟବହାରକାରୀ ସେମାନଙ୍କ ଖୁସି ବ୍ୟକ୍ତ କରିଛନ୍ତି। ଐଶ୍ବର୍ଯ୍ୟାଙ୍କ ସହ ତଳେ ବସି ଆରାଧ୍ୟାଙ୍କ ନାଚକୁ ତାଙ୍କ ମାଆ ଓ ଭଣଜା ଅଗସ୍ତ୍ୟା ନନ୍ଦା ଦେଖୁଥିବାର ଭିଡିଓରେ ଦୃଶ୍ୟମାନ ହୋଇଛି।
ସୂଚନାଯୋଗ୍ୟ ଯେ, ଗତକାଲି ଐଶ୍ବର୍ଯ୍ୟା ରାୟ ବଚ୍ଚନ ଏବଂ ଅଭିଷେକ ବଚ୍ଚନଙ୍କ ଛାଡପତ୍ର ଖବର ପ୍ରକାଶ ପାଇଥିଲା। ରିପୋର୍ଟରେ ଦର୍ଶାଯାଇଛି ଯେ ଅଭିନେତ୍ରୀ ଘରୁ ବାହାରି ମାଆଙ୍କ ସହ ରହିବା ଆରମ୍ଭ କରିଛନ୍ତି।
[ad_2]
