[ad_1]
ମୁମ୍ବାଇ: ଫିଲ୍ମ ରିଲିଜ୍ ପରେ ବକ୍ସ ଅଫିସରେ ଧମାଲ କରୁଛି ଫିଲ୍ମ ‘ଆନିମଲ’। ଅନେକ ବଡ଼ ବଡ଼ ବଜେଟର ଫିଲ୍ମକୁ ପଛରେ ପକାଇ ଦେଇଛି ରଣବୀର କପୁରଙ୍କ ଫିଲ୍ମ। ତେବେ ରଣବୀର ଓ ଅଭିନେତ୍ରୀ ରଶ୍ମିକା ମନ୍ଦନାଙ୍କ ବ୍ୟତୀତ ଅଭିନେତ୍ରୀ ତ୍ରିପ୍ତି ଡିମ୍ରି ଏବେ ଖୁବ ଭାଇରାଲ ହେବାରେ ଲାଗିଛନ୍ତି। ଫିଲ୍ମରେ କମ ସମୟ ପାଇଁ ନଜର ଆସି ମଧ୍ୟ ସେ ଦର୍ଶକଙ୍କ ମନ କିଣିଛନ୍ତି। ଫିଲ୍ମରେ ରଣବୀରଙ୍କ ସହ ଥିବା ତାଙ୍କର ଅନ୍ତରଙ୍ଗ ଦୃଶ୍ୟ ଏବେ ହଇଚଇ ସୃଷ୍ଟି କରିଛି।
ଏହି ଫିଲ୍ମ ପାଇଁ ରାତାରାତି ଷ୍ଟାର ପାଲଟିଥିବା ତୃପ୍ତି ଏବେ ସୁପରଷ୍ଟାର ବିକି କୌଶଲଙ୍କ ସହ ନଜର ଆସିବେ ବୋଲି ଚର୍ଚ୍ଚା ହେଉଛି। ବିକିଙ୍କ ସହ ତାଙ୍କର କିଛି ଫଟୋ ଭାଇରାଲ ହେବା ପରେ ଏଭଳି ଚର୍ଚ୍ଚା ଆରମ୍ଭ ହୋଇଛି। ଆନନ୍ଦ ତିୱାରୀଙ୍କ ନିର୍ଦ୍ଦେଶିତ ଫିଲ୍ମରେ ଦୁହେଁ ନଜର ଆସିବାକୁ ଥିବା ବେଳେ ଫିଲ୍ମର ଏକ ଗୀତ ଗତ ବର୍ଷ କ୍ରୋସିଆରେ ସୁଟ୍ କରାଯାଇଥିଲା। ଏହି ସମୟର କିଛି ଫଟୋ ଏବେ ଭାଇରାଲ ହେବାରେ ଲାଗିଛି। ଫଟୋରେ ଦୁହେଁ ଗୀତର ସୁଟିଂ କରୁଥିବା ଦେଖିବାକୁ ମିଳିଛି।
ତେବେ ‘ଆନିମଲ’ ଫିଲ୍ମରେ ତୃପ୍ତି, ଜୋୟା ଚରିତ୍ରରେ ନଜର ଆସିଥିବା ବେଳେ ଏହି ଚଳଚ୍ଚିତ୍ରରେ ତୃପ୍ତି ଡିମ୍ରିଙ୍କୁ ମଧ୍ୟାନ୍ତର ପରେ ଦେଖିବାକୁ ମିଳିଥିଲା। କମ ସମୟ ପାଇଁ ନଜର ଆସି ମଧ୍ୟ ତାଙ୍କ ଭୂମିକା ଦର୍ଶକଙ୍କୁ ବହୁତ ପସନ୍ଦ ଆସିଛି। ଫିଲ୍ମ ପାଇଁ ସେ ରାତାରାତି ସଫଳ ହେବା ସହ ତାଙ୍କ ପାଖକୁ ବଡ଼ ବଡ଼ ଫିଲ୍ମର ଅଫର ଆସୁଥିବା ଦେଖାଯାଇଛି।
[ad_2]
