[ad_1]
ରୋହତକ: ଭାରତୀୟ ଦ୍ରୁତ ବୋଲର ନଭଦୀପ ସୈନି ତାଙ୍କ ବାଂଧବୀ ସ୍ବାତୀ ଆସ୍ଥାନାଙ୍କୁ ଜୀବନ ସାଥି ଭାବେ ଗ୍ରହଣ କରିଛନ୍ତି। ଇନ୍ଷ୍ଟାଗ୍ରାମ ପୃଷ୍ଠାରେ ବିବାହ ସମ୍ପର୍କରେ ସୂଚନା ଦେଇ ସୈନି ଲେଖିଛନ୍ତି ‘ତୁମ ସହ ପ୍ରତିଦିନ ପ୍ରେମର ଦିନ, ଆଜିଠାରୁ ନିଷ୍ପତ୍ତି ନେଲୁ ରହିବା ସାଥି ହୋଇ ଚିରଦିନ। ଜୀବନର ଏହି ନୂଆ ଅଧ୍ୟାୟ ଆରମ୍ଭ କରୁଥିବାରୁ ଆପଣଙ୍କ ଆଶୀର୍ବାଦ ଓ ଭଲପାଇବା ଭିକ୍ଷା କରୁଛୁ’। ଫ୍ୟାସନ୍, ଟ୍ରାଭେଲ୍, ଲାଇଫଷ୍ଟାଇଲ୍ ବ୍ଲଗର୍ ଭାବେ ପରିଚିତ ସ୍ବାତୀ ମଧ୍ୟ ନିଜ ଅଭିଜ୍ଞତାକୁ ସମ୍ପ୍ରତି ତାଙ୍କ ୟୁ ଟ୍ୟୁବ୍ ଚାନେଲ୍ରେ ସେୟାର କରି ଅନେକଙ୍କ ଦୃଷ୍ଟି ଆକର୍ଷଣ କରିଥିଲେ। ସମ୍ପ୍ରତି ଗତ ମାସରେ ଅବଶିଷ୍ଟ ଭାରତ ଦଳକୁ ଈରାନୀ ଟ୍ରଫି ବିଜେତା କରାଇବାରେ ପ୍ରମୁଖ ଭୂମିକା ତୁଲାଇଥିଲେ ହରିୟାଣା ହିରୋ ନଭଦୀପ ସୈନି। ୨୦୧୯ରେ ଭାରତୀୟ ଦଳ ପାଇଁ ଟ୍ବେଣ୍ଟି-୨୦ ପଦାର୍ପଣ କରିଥିବା ସୈନି ୨୦୨୧ ଅଷ୍ଟ୍ରେଲିଆ ଗସ୍ତରେ ଟେଷ୍ଟ୍ ଶୃଙ୍ଖଳା ଖେଳିଥିଲେ।
[ad_2]
