[ad_1]
ନୂଆଦିଲ୍ଲୀ: ଏସିଆ କପ୍, ବିଶ୍ବକପ ଭଳି ବଡ଼ ବଡ଼ ମ୍ୟାଚରୁ ବାଦ ପଡ଼ିବା ପରେ ଏବେ ଦକ୍ଷିଣ ଆଫ୍ରିକା ବିପକ୍ଷ ୩ଦିନିକିଆ ସିରିଜରେ ୟୁଝବେନ୍ଦ୍ର ଚହଲଙ୍କୁ ଦଳରେ ସାମିଲ କରାଯାଇଛି। ଅନେକ ଦିନର ବ୍ୟବଧାନ ପରେ ତାଙ୍କୁ ଖେଳିବାର ସୁଯୋଗ ମିଳିଛି। ଏହି ସୁଯୋଗ ଚହଲଙ୍କ ମନୋବଳ ବଢ଼ାଇଥିବ ନିଶ୍ଚୟ। ହେଲେ ଏହା ଉପରେ ଭାରତର ପୂର୍ବତନ ସ୍ପିନର ହରଭଜନ ସିଂ ନିଜର ଭିନ୍ନ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ଏଭଳି କରି ଚୟନକର୍ତ୍ତା ଚହଲଙ୍କୁ ଲଲିପପ୍ ଧରାଇ ଦେଇଛନ୍ତି।
“ଟି -୨୦ ଫର୍ମାଟରେ ୟୁଜବେନ୍ଦ୍ର ଚହଲ ନାହାଁନ୍ତି। ଆପଣ ତାଙ୍କୁ ଦିନିକିଆରେ ରଖିଲେ। କିନ୍ତୁ ଟି -୨୦ରେ ସ୍ଥାନ ଦେଲେ ନାହିଁ। ଏଭଳି କରି ଆପଣ ତାଙ୍କୁ ଲଲିପପ୍ ଦେଇଦେଲେ। କାରଣ ଚହଲ ଯେଉଁ ଫର୍ମାଟରେ ଭଲ ପ୍ରଦର୍ଶନ କରନ୍ତି, ତାଙ୍କୁ ସେହି ଫର୍ମାଟରେ ନଦେଇ ଅନ୍ୟ ଫର୍ମାଟରେ ତାଙ୍କୁ କାହିଁକି ସ୍ଥାନ ଦିଆଗଲା ତାହା ମୁଁ ମୁଝିପାରୁନାହିଁ” ବୋଲି ନିଜ ୟୁଟ୍ୟୁବ୍ ଚ୍ୟାନେଲରେ ଭିଡିଓ ସେୟାର କରି କହିଛନ୍ତି ହରଭଜନ।
ଉଲ୍ଲେଖଯୋଗ୍ୟ, ଗୁରୁବାର ବିସିସିଆଇ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯିବାକୁ ଥିବା ଟି-୨୦, ଦିନିକିଆ ଓ ଟେଷ୍ଟ ସିିରିଜ ପାଇଁ ଭାରତୀୟ ଦଳ ଘୋଷଣା କରିଥିଲା। ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯିବାକୁ ଦିନିକିଆ ମ୍ୟାଚ୍ ପାଇଁ ଭାରତ ପକ୍ଷରୁ ଖେଳିବାକୁ ଥିବା କ୍ରିକେଟରମାନଙ୍କ ମଧ୍ୟରେ ଥିଲେ ଋତୁରାଜ ଗାଇକୱାଡ, ସାଇ ସୁଦର୍ସନ, ତିଲକ ମର୍ମା, ରଜତ ପଟିଦାର, ରିଙ୍କୁ ସିଂ, ଶ୍ରେୟସ୍ ଅୟର, କେ.ଏଲ୍ ରାହୁଲ (ଅଧିନାୟକ) (ୱିକେଟକିପର),ସଞ୍ଜୁ ସାମସନ (ୱିକେଟକିପର), ଅକ୍ଷର ପଟେଲ, ୱାଶିଂଟନ୍ ସୁନ୍ଦର, କୁଲଦୀପ ଯାଦବ, ୟୁଜବେନ୍ଦ୍ର ଚହଲ, ମୁକେଶ କୁମାର, ଆବେଶ ଖାନ, ଅର୍ଶଦୀପ ସିଂ, ଦୀପକ ଚହର।
[ad_2]
