[ad_1]
ନୂଆପଡ଼ା: ନୂଆପଡ଼ା ଜିଲ୍ଲା ବୋଡେନ୍ ଥାନା ଝିରିନିଖୋଲ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଦଶହରା ପୂଜା ଦେଖି ଫେରୁଥିବା ବେଳେ ଏହି ଦୁର୍ଘଟଣା ଘଟିଥିବାର ସୂଚନା ରହିଛି। ଝିମନିଖୋଲ ଛକରେ ୨ ବାଇକ ମୁହାଁମୁହିଁ ଧକ୍କା ହେବାରୁ ଘଟଣାସ୍ଥଳରେ ୪ଜଣଙ୍କ ମୃତ୍ୟୁ ଘଟିଛି। ଏଥିରେ ୩ଜଣ ଗୁରୁତର ହୋଇଛନ୍ତି। ୩ ଗୁରୁତରଙ୍କୁ ବୋଡେନ ଓ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ବୋଡେନ ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
ମିଳିଥିବା ସୂଚନା ଅନୁଯାୟୀ, ଗତରାତି ୧ଟା ସମୟରେ ଦଶହରା ଦେଖି ୨ଟି ବାଇକରେ ଫେରୁଥିବା ଦୁଇ ବାଇକ ମୁହାଁମୁହିଁ ଧକ୍କା ହୋଇଥିଲା ଯାହାଫଳରେ ଘଟଣାସ୍ଥଳରେ ବୋଡେନ ଥାନା କମଲାମାଳ ଗ୍ରାମର ହେମନ୍ତ ମାଝୀ(୧୮) ପିଙ୍କୁ ମାଝୀ (୧୭) ଖଡିଆଳ ଥାନା ଅନ୍ତର୍ଗତ ଭିମାପଦର ଗ୍ରାମର ହେମାନନ୍ଦ ମାଝୀ (୧୫) ଭଇଁଷାଦାନୀ ଗ୍ରାମର ରୋହିତ ମାଝୀ (୨୪) ସିନାପାଲି ଥାନା ଘାଟମାଲ ପଞ୍ଚାୟତ ତିଲିପଲନା ଗ୍ରାମର ଗୁଣସାଗର ମାଝୀ (୩୦) ମହଲାଲା ମାଝୀ (୨୨) ଓ କୃଷ୍ଣଚନ୍ଦ୍ର ମାଝୀ(୧୭) ଗୁରୁତର ଅବସ୍ଥାରେ ପୁଲିସ ଉଦ୍ଧାର କରି ବୋଡେନ ଡାକ୍ତରଖାନାକୁ ଆଣିଥିଲେ। ହେଲେ ଡାକ୍ତର ହେମନ୍ତ ମାଝୀ, ପିଙ୍କୁ ମାଝୀ, ହେମାନନ୍ଦ ମାଝୀ ,ରୋହିତ ମାଝୀ ମୃତ ଘୋଷଣା କରିଥିବା ବେଲେ ଗୁଣସାଗର ମାଝୀ, କୃଷ୍ଣଚନ୍ଦ୍ର ମାଝୀ ଓ ମୋହଲାଲ ମାଝୀ ଗୁରୁତର ହୋଇ ନୂଆପଡା ମୁଖ୍ୟ ଡାକ୍ତରଖାନାକୁ ପଠାଯାଇଛି। ଘଟଣା ପରେ ସଂପୂର୍ଣ୍ଣ ବ୍ଲକରେ ଶୋକର ଛାୟା ଖେଳିଯାଇଛି।
[ad_2]
