[ad_1]
ଜେରୁଜେଲମ୍ : ଇସ୍ରାଏଲ ଓ ହମାସ ମଧ୍ୟରେ ଚାଲିଥିବା ଯୁଦ୍ଧ ଦିନକୁ ଦିନ ତୀବ୍ର ହେବାରେ ଲାଗିଛି । ମଙ୍ଗଳବାର ଇସ୍ରାଏଲ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ ହମାସର ସମ୍ପୂର୍ଣ୍ଣ ନିପାତ ନହେବା ପର୍ଯ୍ୟନ୍ତ ଏହି ଯୁଦ୍ଧ ବନ୍ଦ ହେବ ନାହିଁ । ତେବେ ଏହି ଯୁଦ୍ଧ ପାଇଁ ଲକ୍ଷ ଲକ୍ଷ ଲୋକଙ୍କ ଜୀବନ ବିପଦରେ ପଡ଼ିଛି । ସାଧାରଣ ଲୋକମାନେ ମଧ୍ୟ ଇସ୍ରାଏଲ ସେନାକୁ ସାହାଯ୍ୟ କରିବା ପାଇଁ ବନ୍ଧୁକ ଉଠାଉଛନ୍ତି । ଏବେ ଜଣେ ଅଭିନେତା ସେନାରେ ସାମିଲ ହୋଇ ହମାସ ବିରୋଧରେ ଲଢ଼ିବାକୁ ପ୍ରସ୍ତୁତ ହୋଇଥିବା ଜଣାପଡ଼ିଛି।
ଅଭିନେତା ତ୍ସ୍ୟାହୀ ହଲେବୀ ଚର୍ଚ୍ଚିତ ବଲିଉଡ ଫିଲ୍ମ ‘ଅକେଲି’ରେ ନଜର ଆସିଥିଲେ। ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନେତ୍ରୀ ନୁସରତ ଭରୁଚା ନଜର ଆସିଥିବା ବେଳେ ତ୍ସ୍ୟାହୀ ହଲେବୀ ମଧ୍ୟ ଗୁରୁତ୍ବପୂର୍ଣ୍ଣ ଭୂମିକାରେ ନଜର ଆସିଥିଲେ । ଏହି ଫିଲ୍ମ ବ୍ୟତୀତ ଫିଲ୍ମ ‘ଫୌଦା’ ଓ ‘ଦ କାପ୍ସ’ରେ ସେ ଇସ୍ରାଏଲ ସିକ୍ୟୁରିଟି ଫୋର୍ସର ଯବାନ ଭାବେ ନଜର ଆସିଥିବା ବେଳେ ଏବେ ସେ ଅସଲ ଜୀବନରେ ଇସ୍ରାଏଲ ସେନାକୁ ସାହାଯ୍ୟ କରିବାକୁ ଆଗେଇ ଆସିଛନ୍ତି । ‘ଅକେଲୀ’ର ପ୍ରଯୋଜକ ନିନାଦ ବୈଦ୍ୟ କହିଛନ୍ତି ଯେ, ମୁଁ ତ୍ସ୍ୟାହୀଙ୍କ ସହ କଥା ହୋଇଛି। ହମାସ ବିରୋଧରେ ଯୁଦ୍ଧ ଲଢ଼ିବା ପାଇଁ ସେ ଇସ୍ରାଏଲ ସେନାରେ ସାମିଲ ହୋଇଥିବା କହିଛନ୍ତି ।
[ad_2]
