ଓଡିଶାବାସୀ ଦ୍ବନ୍ଦରେ ଅଛନ୍ତି ଯେ ପ୍ରକୃତ ମୁଖ୍ୟମନ୍ତ୍ରୀ କିଏ ନବୀନ ନା ପାଣ୍ଡିଆନ: ନବୀନଙ୍କ ଭାଇ – bajravana

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭାଇ ତଥା ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ପୁତୁରା ଦିଲ୍ଲୀପ ପଟ୍ଟନାୟକ ଆଜି ସମ୍ବାଦ ସମ୍ପାଦକ ସୌମ୍ୟରଞ୍ଜନ ପଟ୍ଟନାୟକଙ୍କ ସପକ୍ଷରେ ବାହାରିଛନ୍ତି | ସେ କହିଛନ୍ତି ଯେ ଓଡ଼ିଶା ପ୍ରଗତି ପାଇଁ ସୌମ୍ୟଙ୍କର ଅବଦାନ ରହିଛି | ନବୀନ ବାବୁ ତାଙ୍କ ପ୍ରତି ଯାହା କରିଛନ୍ତି ତାହା ଲଜ୍ଜାଜନକ | ମୋ ସ୍ୱାସ୍ଥ୍ୟବସ୍ଥା ନେଇ ଏତେ ସବୁ ଖବର ପରେ ବି ନବୀନ ବାବୁଙ୍କ ପକ୍ଷରୁ ଏଯାଏଁ କିଛି ଉତ୍ତର ନାହିଁ | ସେ ନିଜେ କିଛି ଜାଣିପାରୁନାହାଁନ୍ତି |

ସେ ନିଜଠୁ ବେଶୀ ପାଣ୍ଡିଆନଙ୍କ ଉପରେ ଅଧିକ ବିଶ୍ୱାସ କରୁଛନ୍ତି | ନବୀନ ତାଙ୍କୁ ଏତେ କ୍ଷମତା ତାଙ୍କୁ ଦେଇଛନ୍ତି ଯେ ଓଡ଼ିଶାବାସୀ ବି ଦ୍ଵନ୍ଦରେ ଅଛନ୍ତି ଯେ ପ୍ରକୃତରେ ମୁଖ୍ୟମନ୍ତ୍ରୀ କିଏ? ସେହିପରି କଂଗ୍ରେସ ବିଧାୟକ ସୁର ରାଉତରାୟ କହିଛନ୍ତି ଯେ ସୌମ୍ୟ ପଟ୍ଟନାୟକ ଛୋଟିଆ ଲୋକ ନୁହଁ । ସେ ବୀର ସେନାପତି ଭଳି ଲଢୁଛନ୍ତି , ଆଖି ବନ୍ଦ କରି ଆକ୍ରୋଶମୂଳକ ଭାବେ ଆକ୍ସନ୍ ନେବା ଠିକ୍ ହୋଇନି । ଘୋର ଅନ୍ୟାୟ ହୋଇଛି , ଏ କଥାକୁ ଆମେ ବିଧାନସଭାରେ ଉଠାଇବୁ |