ପ୍ରଶଂସକଙ୍କ ପ୍ରତୀକ୍ଷାର ଅନ୍ତ ଘଟାଇଲେ ନିର୍ମାତା, ଏହି ଦିନ ରିଲିଜ୍ ହେବ ଫିଲ୍ମ ‘ଆନିମଲ’ର ଟିଜର – bajravana
[ad_1]
ମୁମ୍ବାଇ: ଆଜିକାଲି ଅନେକ ବଡ଼ ବଡ଼ ଚଳଚ୍ଚିତ୍ରକୁ ନେଇ ଜବରଦସ୍ତ ଆଲୋଚନା ହେଉଛି। ଅନେକ ଚଳଚ୍ଚିତ୍ରର ସୁଟିଂ ଚାଲିଛି ଏବଂ ଅନେକ ରିଲିଜ୍ ପାଇଁ ପ୍ରସ୍ତୁତ ହୋଇସାରିଛି। ଏ ମଧ୍ୟରେ ନିକଟରେ ବଲିଉଡ ଅଭିନେତା ରଣବୀର କପୁରଙ୍କ ଫିଲ୍ମ ‘ଆନିମଲ’ର ପୋଷ୍ଟର ସାମ୍ନାକୁ ଆସିଛି। ଏହି ପୋଷ୍ଟରରେ ରଣବୀର କପୁରଙ୍କ ଭିନ୍ନ ଲୁକ୍ ନଜର ଆସିଛି। ପୋଷ୍ଟରରେ ରଣବୀର ସିଗାରେଟ ଟାଣୁଥିବାର ନଜର ଆସିଛନ୍ତି।
ରଣବୀର କପୁରଙ୍କ ଫିଲ୍ମ ‘ଆନିମଲ’ ବିଷୟରେ ବହୁ ପୂର୍ବରୁ ଘୋଷଣା କରାଯାଇସାରିଥିଲା। ପ୍ରଶଂସକମାନେ ଏହି ଚଳଚ୍ଚିତ୍ର ସମ୍ବନ୍ଧୀୟ ଅଧିକ ବିବରଣୀ ପାଇଁ ଦୀର୍ଘ ସମୟ ଧରି ଅପେକ୍ଷା କରିଥିଲେ। ବର୍ତ୍ତମାନ ଅପେକ୍ଷାର ଅନ୍ତ ଘଟିଛି ଏବଂ ନିର୍ମାତାମାନେ ‘ଆନିମଲ’ର ନୂତନ ପୋଷ୍ଟର ସେୟାର କରିଛନ୍ତି। ଏହି ପୋଷ୍ଟର ସହିତ ଫିଲ୍ମର ଟିଜରର ତାରିଖ ମଧ୍ୟ ଘୋଷଣା କରାଯାଇଛି। ‘ଆନିମଲ’ର ଟିଜର ସେପ୍ଟେମ୍ବର ୨୮ରେ ସକାଳ ୧୦ଟାରେ ମୁକ୍ତିଲାଭ କରିବ ବୋଲି ସୂଚନା ଦିଆଯାଇଛି। ଏହି ପୋଷ୍ଟର ସେୟାର କରିବା ସହ ଟି-ସିରିଜ୍ ଫିଲ୍ମ ପକ୍ଷରୁ ଲେଖାଯାଇଛି ଯେ,- ‘ସେ ଚମତ୍କାର, ସେ ଜଙ୍ଗଲୀ। ଆପଣ ୨୮ସେପ୍ଟେମ୍ବରରେ ତାଙ୍କ କ୍ରୋଧ ଦେଖିପାରିବେ। ଏହି ଚଳଚ୍ଚିତ୍ରଟି ଡିସେମ୍ବର ୧ରେ ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ସମେତ ଅନେକ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ଯେଉଁଥିରେ ରଣବୀର, ରଶ୍ମିକା ମନ୍ଦନା, ବବି ଦେଓଲ୍, ଅନିଲ କପୁର ଏବଂ ତ୍ରୁପ୍ତି ଡିମ୍ରି ପ୍ରମୁଖ ଭୂମିକାରେ ନଜର ଆସିବେ।
He is elegant 🕶️…
He is Wild…🪓
You will see his rage on September 28th. 🤙🏻#AnimalTeaserOn28thSept@AnimalTheFilm #AnimalOn1stDec@AnilKapoor #RanbirKapoor @iamRashmika @thedeol @tripti_dimri23 @imvangasandeep #BhushanKumar @VangaPranay @MuradKhetani #KrishanKumar… pic.twitter.com/eYeSSXFFOr— T-Series (@TSeries) September 18, 2023
ପୋଷ୍ଟରରେ ରଣବୀର କପୁରଙ୍କ ଲୁକ୍ ଶାହିଦଙ୍କର ଫିଲ୍ମ ‘କବୀର ସିଂ’ରେ ଥିବା ଲୁକ୍ ସହିତ ମେଳ ଖାଉଛି।
[ad_2]
