[ad_1]
ଭିକ୍କି କୌଶଲ ଓରଫ ଭଜନ କୁମାରଙ୍କ ଆଗାମୀ ଚଳଚ୍ଚିତ୍ର ଦ ଗ୍ରେଟ୍ ଇଣ୍ଡିଆନ ଫ୍ୟାମିଲିର ଟ୍ରେଲର ରିଲିଜ ହୋଇଛି। କହ୍ନେୟା ଟ୍ବିଟର ପେ ଆଜା ଗୀତ ପରି ଲୋକମାନେ ଏହାକୁ ବି ଖୁବ୍ ପସନ୍ଦ କରୁଛନ୍ତି। ରାତାରାତି ହିନ୍ଦୁ ପଣ୍ଡିତରୁ ମୁସଲମାନ ହୋଇଥିବା ଭଜନଙ୍କ ଜୀବନର ଅଶାନ୍ତି ଲୋକଙ୍କୁ କେତେ ଆମୋଦିତ କରିବ, ତାହା ସେପ୍ଟେମ୍ବର ୨୨ରେ ଫିଲ୍ମ ରିଲିଜ ହେବା ପରେ ହିଁ ଜଣାପଡ଼ିବ। ଭଜନ କୁମାର ଓରଫ ବେଦବ୍ୟାସ ତ୍ରିପାଠୀଙ୍କ ଜୀବନ କାହାଣୀକୁ ନେଇ ଫିଲ୍ମଟି ତିଆରି ହୋଇଛି।
ସେ ଜଣେ ବିଖ୍ୟାତ ପଣ୍ଡିତ ହୋଇ ଝିଅମାନଙ୍କ ପ୍ରତି ଲାଇନ ମାରିବାକୁ ଚେଷ୍ଟା କରୁଛନ୍ତି। କିନ୍ତୁ ସମସ୍ତେ ତାଙ୍କୁ ପୂଜନୀୟ ଭାବି ଆଶୀର୍ବାଦ ନେଇ ଚାଲିଯାଉଛନ୍ତି। ପଣ୍ଡିତଙ୍କ ଛାତି ଧଡ଼ପଡ଼ ହେଉଛି, ପ୍ରେମର ତଲାଶ କରିବାରେ ଲାଗିଛନ୍ତି। କିନ୍ତୁ ଟ୍ବିଷ୍ଟ ଲଭ୍ ଷ୍ଟୋରିରେ ନାହିଁ। ଖାନଦାନୀ ପଣ୍ଡିତ ଘରେ ଜନ୍ମ ହୋଇଥିବା ଭଜନଙ୍କ ଜୀବନର ମୋଡ଼ ବଦଳିଛି, ଯେତେବେଳେ ସେ ଜାଣିବାକୁ ପାଇଛନ୍ତି ଯେ, ସେ ପ୍ରକୃତରେ ପଣ୍ଡିତ ନୁହଁ, ମୁସଲମାନ। ତାଙ୍କ ଜୀବନରେ ଅଶାନ୍ତି ସେଇଠୁ ଆରମ୍ଭ ହୁଏ। ବର୍ତ୍ତମାନ ତ ଟ୍ରେଲରରେ ଏତିକି ଝଲକ ଦେଖିବାକୁ ମିଳିଛି। କିନ୍ତୁ କାହାଣୀରେ ଆହୁରି ବହୁତ କିଛି ବାକି ଅଛି, ଯାହା ଆପଣଙ୍କୁ ଫିଲ୍ମ ଦେଖିବା ପରେ ହିଁ ଜାଣିବାକୁ ମିଳିବ।
[ad_2]
