[ad_1]
ଭୁବନେଶ୍ୱର : ମାଲକାନଗିରି ଜିଲ୍ଲା ଅବକାରୀ ଅବକାରୀ ବିଭାଗ କର୍ମଚାରୀ ଆଜି ଏମଭି ୧୧ ଛକ ନିକଟରେ ପାଟ୍ରୋଲିଂ ସହ ଯାନବାହନ ଯାଞ୍ଚ କରୁଥିଲେ । ଠିକ ସେହି ରାସ୍ତାରେ ଦ୍ରୁତ ଗତିରେ ମଟର ସାଇକେଲରେ ଦୁଇଜଣ ଯୁବକ ମାଲକାନଗିରି ଅଭିମୁଖେ ପଳାଉଥିବା ବେଳେ , ଅବକାରୀ ବିଭାଗ କର୍ମଚାରୀ ଗୋଡ଼ାଇ ଧରିଥିଲେ । ମଟର ସାଇକେଲ ଯାଞ୍ଚ କରିବାରୁ ଏକ ପ୍ଲାଷ୍ଟିକ ବସ୍ତାରେ ଗଞ୍ଜେଇ ଥିବାର ଦେଖିବାକୁ ପାଇଥିଲେ। ଗଞ୍ଜେଇ ଓ ମଟର ସାଇକେଲକୁ ଜବତ କରି ସେ ଦୁଇଜଣଙ୍କୁ ଗିରଫ କରି ଅବକାରୀ ବିଭାଗ ଥାନାକୁ ନେଇ ପଚରା ଉଚରା କରିଥିଲେ ଓ ଗଞ୍ଜେଇ ଓଜନ କରିବାରୁ ୧୭ କେଜି ଗଞ୍ଜେଇ ଥିଲା । ଏହାର ମୂଲ୍ୟ ୧ ଲକ୍ଷ ୭୦ହଜାର ଟଙ୍କା ହେବ ବୋଲି ଜଣାପଡ଼ିଛି। ଗିରଫ ଦୁଇଜଣ ହେଲେ ନରେନ୍ଦ୍ର ହନ୍ତାଳ (୨୪)। ଓ ନାନ୍ଦୁ ଖିଲ(୧୯)। ଏହି ଦୁଇଜଣ ଚିତ୍ରକୋଣ୍ଡା ଅଞ୍ଚଳରୁ ଗଞ୍ଜେଇ କ୍ରୟ କରି ଛତିଶଗଡ଼କୁ ଚାଲାଣ କରିବାକୁ ନେଉଥିବା ଜଣାପଡିଛି । ଗିରଫ ଦୁଇ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯାଇଛି ।
[ad_2]
