[ad_1]
ମୋରାଦାବାଦ: ପ୍ରଥମ ପ୍ରେମିକ ସହ ମିଶି ଦ୍ଵିତୀୟ ପ୍ରେମିକକୁ ରାସ୍ତାରୁ ହଟାଇଲେ ବିବାହିତା ପ୍ରେମିକା | ଉତ୍ତରପ୍ରଦେଶର ମୋରାଦାବାଦରେ ଏଭଳି ଏକ ହତ୍ୟା ମାମଲା ସାମ୍ନାକୁ ଆସିଛି | ମିଳିଥିବା ସୂଚନା ମୁତାବକ ଅଗଷ୍ଟ ୧୨ରେ ଉତ୍ତରପ୍ରଦେଶର ଭୋଜପୁରରେ ଏକ ଅଜ୍ଞାତ ମୃତଦେହ ମିଳିଥିଲା | ଆଉ ଏହା ଜଣାପଡିବା ପରେ ପୁଲିସ ପହଂଚି ତଦନ୍ତ କରିଥିଲା | ଅନୁସନ୍ଧାନରୁ ଜଣାପଡିଥିଲା ଯେ ମୃତକଙ୍କ ନାମ ହେଉଛି ଭିକି | ଯେତେବେଳେ ପୁଲିସ ଏହି ଘଟଣାର ଅନୁସନ୍ଧାନ କଲା ସେତେବେଳେ ଅନେକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଥିଲା। ଭିକିଙ୍କୁ ସେହି ଅଞ୍ଚଳର ଜଣେ ମହିଳାଙ୍କ ସହ ଅନେକ ସମୟରେ ଦେଖିବାକୁ ମିଳିଥିଲା | ସ୍ଥାନୀୟ ଲୋକ ଏହି ସୂଚନା ଦେଇଥିବାବେଳେ ପୁଲିସ ସେହି ମହିଳା ରେଖାଙ୍କୁ ଅଟକ ରଖି ପଚରାଉଚୁରା କରିଥିଲା | ରେଖା ତାଙ୍କର ଅପରାଧ ସ୍ୱୀକାର କରି କହିଥିଲେ ଯେ ସେ ତାଙ୍କ ପ୍ରଥମ ପ୍ରେମିକ ଆକାଶଙ୍କ ସହ ମିଶି ଭିକିଙ୍କୁ ହତ୍ୟା କରିଥିଲେ। ରେଖା ଭିକିଙ୍କୁ ଏକ ନିଛାଟିଆ ସ୍ଥାନକୁ ଡାକିଥିଲେ ଆକାଶ ଭିକିଙ୍କୁ ଗୁଳି ମାରି ହତ୍ୟା କରିଥିଲେ |
ପୁଲିସ କହିଛି ଯେ ରେଖା ତାଙ୍କ ପ୍ରେମିକ ଆକାଶଙ୍କ ସହ ମିଶି ଦ୍ୱିତୀୟ ପ୍ରେମିକ ଭିକିଙ୍କୁ ହତ୍ୟା କରିଥିଲେ । ବାସ୍ତବରେ ରେଖା ବିବାହିତ ଥିଲେ | ତେବେ ବିବାହ ପରେ ସେ ଆକାଶଙ୍କ ପ୍ରେମରେ ପଡ଼ିଥିଲେ | କିଛିଦିନ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ରହିବା ପରେ ମନୋମାଳିନ୍ୟ ହୋଇଥିଲା | ଏହାପରେ ରେଖା, ଭିକିଙ୍କ ପ୍ରେମରେ ପଡ଼ିଥିଲେ | ପ୍ରେମିକା ରେଖା ଆଉ ଜଣେ ଯୁବକଙ୍କ ପ୍ରେମରେ ପଡିଥିବାର ଜାଣି ଆକାଶ ଭିକିଙ୍କୁ ଏଭଳି ନ କରିବାକୁ କହିଥିଲେ ବି ସେ ମାନିନଥିଲେ | ଏହାପରେ ଆକାଶ ପୁଣିଥରେ ରେଖାଙ୍କ ସଂସ୍ପର୍ଶରେ ଆସିଥିଲେ ଓ ଭୁଲ ହୋଇଯାଇଛି ବୋଲି କହିଥିଲେ | ରେଖା ଓ ଆକାଶ ପୁଣିଥରେ ସମ୍ପର୍କରେ ବାନ୍ଧି ହୋଇଥିବାବେଳେ ଭିକି କିନ୍ତୁ କଣ୍ଟା ସାଜିଥିଲେ | ସେ ରେଖାଙ୍କୁ ଆକାଶଙ୍କ ସହ ନ ମିଶିବାକୁ କହିଥିଲେ | ଏହାପରେ ରେଖା ଓ ଆକାଶ ଭିକିଙ୍କୁ ରାସ୍ତାରୁ ହଟାଇବାକୁ ନିଷ୍ପତ୍ତି ନେଇଥିଲେ | ପୂର୍ବ ଯୋଜନା ମୁତାବକ ରେଖା ଭିକିଙ୍କୁ ଏକ ନିଛାଟିଆ ସ୍ଥାନକୁ ଡାକିଥିଲେ ଆକାଶ ଭିକିଙ୍କୁ ଗୁଳି ମାରି ହତ୍ୟା କରିଥିଲେ |
[ad_2]
