ସମ୍ବଲପୁର: ସମ୍ବଲପୁରରୁ ଜବତ ହୋଇଛି ପଶ୍ଚିମବଙ୍ଗ ନମ୍ବର ଥିବା ଧାନ ବୋଝେଇ ଟ୍ରକ । ଧାନ ମିଲ୍ ସାମ୍ନାରେ ଟ୍ରକ୍ ରଖି ଡ୍ରାଇଭର ଫେରାର । ଯୋଗାଣ ବିଭାଗକୁ ଖବର ଦେଲେ ଚାଷୀ । ଖବର ପାଇ ଯୋଗାଣ ବିଭାଗର ୩ ଜଣିଆ ଟିମ୍ ଘଟଣା ସ୍ଥଳରେ ପହଞ୍ଚିଛନ୍ତି ।
ପଶ୍ଚିମବଙ୍ଗର WB33-B-0145 ନମ୍ବର ଥିବା ଧାନ ବୋଝେଇ ଟ୍ରକକୁ ଦେଖିଥିଲେ ସ୍ଥାନୀୟ ଚାଷୀ । ଆନ୍ତଃ ରାଜ୍ୟ ଧାନ ଚୋରା ଚାଲାଣ ହେଉଥିବା ସନ୍ଦେହ କରି ଯୋଗାଣ ବିଭାଗକୁ ଖବର ଦେଇଥିଲେ । ଯୋଗାଣ ବିଭାଗ ଅଧିକାରୀ, ଧନକଉଡ଼ା ବ୍ଲକ ଯୋଗାଣ ନିରୀକ୍ଷକ ପ୍ରମୁଖ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି । ଏହି ଧାନ ଗାଡିଟି କୁ କିଏ ଓ କାହିଁକି ଏଠାକୁ ଆଣିଛି ତାହା ସ୍ପଷ୍ଟ ହୋଇନାହିଁ ।
