ଅଷ୍ଟ୍ରେଲିଆ ଖବରକାଗଜ ପ୍ରଥମ ପୃଷ୍ଠାରେ ଛାଇଗଲେ ବିରାଟ, ହିନ୍ଦୀ ଓ ପଞ୍ଜାବୀରେ ହେଡଲାଇନ୍ ଦେଖି ସାମ୍ବାଦିକ ଆଶ୍ଚର୍ଯ୍ୟ

ଭାରତ-ଅଷ୍ଟ୍ରେଲିଆ ମଧ୍ୟରେ ବର୍ଡର ଗାଭାସ୍କର ଟ୍ରଫି ୨୨ ନଭେମ୍ବରରୁ ଆରମ୍ଭ ହେଉଛି । ଖେଳକୁ ମାତ୍ର ଆଉ ୧୦ ଦିନ ରହିଥିବା ବେଳେ ଅଷ୍ଟ୍ରେଲିଆ ମିଡିଆରେ ବିରାଟଙ୍କ ଯାଦୁ ଦେଖିବାକୁ ମିଳିଛି । ଅଷ୍ଟ୍ରେଲିଆରେ ପ୍ରକାଶିତ ହେଉଥିବା ଅନେକ ଖବରକାଗଜର ପ୍ରଥମ ପୃଷ୍ଠାରେ ନଜର ଆସିଛନ୍ତି ବିରାଟ କୋହଲି । ଏହାଛଡା ଅନେକ ଖବରକାଗଜର ପ୍ରଥମ ପୃଷ୍ଠାରେ ଯଶସ୍ବୀ ଜୟସୱାଲ ନଜର ଆସିଛନ୍ତି ।

ସବୁଠାରୁ ଆଶ୍ଚର୍ଯ୍ୟକର କଥା ହେଉଛି ଏହି ଫଟୋ ତଳେ ଇଂଲିଶ ଛଡା ହିନ୍ଦୀ ଏବଂ ପଞ୍ଜାବୀ ଭାଷାରେ ମଧ୍ୟ ଲେଖାଯାଇଛି ।

ବିରାଟ କୋହଲିଙ୍କ ଫଟୋ ପେପର ଫ୍ରଣ୍ଟ ପେଜରେ ନଜର ଆସିଛନ୍ତି । ଆଉ କିଛି ଖବରକାଗଜରେ ଯଶସ୍ବୀ ଜୟସୱାଲ ଏବଂ ରିଷଭ ପନ୍ତ ମଧ୍ୟ ନଜର ଆସିଛନ୍ତି । ଏହାସହିତ ହିନ୍ଦୀରେ ଲେଖାଯାଇଛି, ଯୁଗ ଲଢେଇରେ ସେହି… । ଯଶସ୍ବୀଙ୍କ ଫଟୋରେ ପଞ୍ଜାବୀରେ ଲେଖାଯାଇଛି, ନୂଆ ରାଜା । ଏବେ ଅଷ୍ଟ୍ରେଲିଆ ଖବରକାଗଜରେ ପ୍ରକାଶିତ ହୋଇଥିବା ଫଟୋ ସୋସିଆଲ ମିଡିଆରେ ଭାଇରଲ ହେଉଛି । ଏହି ଫଟୋରେ ୟୁଜର୍ସ ବିଭିନ୍ନ ପ୍ରକାରର କମେଣ୍ଟ ଦେଇଛନ୍ତି ।