ଭୁବନେଶ୍ୱର: ରବିବାର ରାତି ପ୍ରାୟ ସାଢେ ୧୦ଟାରେ ଭୁବନେଶ୍ବରରେ ଘଟିଛି ସଡକ ଦୁର୍ଘଟଣା । ଏହି ଦୁର୍ଘଟଣାରେ ଜଣେ ଯୁବକଙ୍କ ମୃତ୍ଯୁ ହୋଇଛି। ଜଣେ ଯୁବକ ଦ୍ରୁତ ଗତିରେ ଗାଡି ଚଲାଉଥିବା ବେଳେ ଭାରସାମ୍ୟ ହରାଇ ପ୍ରଥମେ ଡିଭାଇଡରକୁ ପିଟିବା ପରେ ଗଛକୁ ଜୋରରେ ଧକ୍କା ଦେଇଥିଲେ। ଫଳରେ ଘଟଣାସ୍ଥଳରେ ଚାଳକଙ୍କର ମୃତ୍ୟୁ ଘଟିଥିବା ବେଳେ ପଛରେ ବସିଥିବା ବ୍ୟକ୍ତି ଗୁରୁତର ଆହତ ହୋଇଛନ୍ତି।
ଡେଲଟା ଛକରେ ଏଭଳି ଅଭାବନୀୟ ଘଟଣା ଘଟିଛି । ପୋଲିସ ମୃତଦେହ ଜବତ କରିବା ସହ ଆହତଙ୍କୁ ସ୍ଥାନୀୟ ଲୋକଙ୍କ ସହାୟତାରେ ମେଡିକାଲ ପଠାଇଛି ।
ସୂଚନାନୁସାରେ ମୃତ ଯୁବକ ହେଲେ ଭରତପୁର ଅଞ୍ଚଳର ଗଙ୍ଗା ରାଓ । ଅନ୍ୟପଟେ ତାଙ୍କ ପଛରେ ବସିଥିବା ଯୁବକଙ୍କ ପରିଚୟ ଜଣାପଡିନାହିଁ । ଗଙ୍ଗା ଭରତପୁର ଅଞ୍ଚଳରେ ଭୋଜି କରିଥିଲେ । ଭୋଜି ସରିବା ପରେ ସମସ୍ତେ ନିଜ ନିଜ ଗାଡିରେ ଏକାବେଳେ ବୁଲାବୁଲି କରୁଥିଲେ । ଗଙ୍ଗା ବାଇକ ଚଲୁଥିବା ବେଳେ ତାଙ୍କ ସାଙ୍ଗ ପଛରେ ବସିଥିଲେ । ନିୟନ୍ତ୍ରଣ ହରାଇ ରାସ୍ତାରେ ଡିଭାଇଡରକୁ ପିଟିବା ପରେ ଏକ ଗଛକୁ ଜୋରରେ ଧକ୍କା ଦେବାରୁ ବାଇକରୁ ଦୁଇ ଜଣ ପଡିଯାଇଥିଲେ।
