ଆପଣ ଜାଣିଥିବେ ଯେ ଅଣ୍ଡା ସୁପରଫୁଡ୍ ତାଲିକାରେ ଶୀର୍ଷରେ ରହିଥାଏ । ଯାହାକୁ ପ୍ରାକୃତିକ ମଲ୍ଟି ଭାଇଟାମିନ୍ ଭାବରେ ବିବେଚନା କରାଯାଏ । ଏଥିରେ ବିଭିନ୍ନ ପ୍ରକାରର ଭିଟାମିନ୍, ଫସଫରସ୍, ସେଲେନିୟମ୍, କ୍ୟାଲସିୟମ୍, ଜିଙ୍କ୍ ସହିତ ଅନେକ ଜରୁରୀ ଉପାଦାନ ଅଣ୍ଡାରେ ମିଳିଥାଏ । ଅଣ୍ଡା ହେଉଛି Vitamin-A ର ଭଣ୍ଡାର । କିନ୍ତୁ ଅଣ୍ଡାରେ ଏପରି ଅନେକ ଲାଭ ଅଛି ଯାହା ବିଷୟରେ ଖୁବ୍ କମ୍ ଲୋକ ଜାଣନ୍ତି । ଅଣ୍ଡାରେ ଆମିନୋ ଏସିଡ୍ ମିଳିଥାଏ ଯାହା ଆମ ଶରୀର ପାଇଁ ଅନେକ ଉପାୟରେ ଲାଭଦାୟକ ।
ଅଣ୍ଡାରେ ଅଧିକ କୋଲେଷ୍ଟ୍ରଲ ଥାଏ କିନ୍ତୁ ଏହା ସତ୍ତ୍ବେ ଅଣ୍ଡା ଖାଇଲେ ମଣିଷ ଶରୀରରେ କୋଲେଷ୍ଟ୍ରଲ ପରିମାଣ ବୃଦ୍ଧିପାଏ ନାହିଁ । ବରଂ କୋଲେଷ୍ଟ୍ରଲ ପରିମାଣ ହ୍ରାସ କରେ । ପ୍ରାୟ ୭୦ ପ୍ରତିଶତ ଲୋକଙ୍କ ମଧ୍ୟରେ ଅଣ୍ଡା କୋଲେଷ୍ଟ୍ରଲ ବୃଦ୍ଧି ହୁଏ ନାହିଁ ।
ଶରୀରରେ ଭଲ କୋଲେଷ୍ଟ୍ରଲ ବୃଦ୍ଧି କରେ ଅଣ୍ଡା । ଯେଉଁମାନଙ୍କର ଅଧିକ ପରିମାଣର ଭଲ କୋଲେଷ୍ଟ୍ରଲ ଥାଏ ସେମାନଙ୍କ ହୃଦଘାତ, ଷ୍ଟ୍ରୋକ୍ ଏବଂ ଅନ୍ୟାନ୍ୟ ହୃଦରୋଗ ହେବାର ଆଶଙ୍କା କମ୍ ଥାଏ । କେତେକ ଅଧ୍ୟୟନରୁ ଏହା ମଧ୍ୟ ଜଣାପଡିଛି ଯେ ପ୍ରତିଦିନ ୧ ରୁ ୩ଟି ଅଣ୍ଡା ଖାଇଲେ ଶରୀରରେ ଭଲ କୋଲେଷ୍ଟ୍ରଲ ବଢିଥାଏ । ଏହା ସହିତ ହୃଦଘାତର ଆଶଙ୍କା କମିଯାଏ । କିନ୍ତୁ ଶରୀରରେ ଆଲର୍ଜି ହେଉଥିବା କିମ୍ବା ଅତ୍ୟଧିକ ମୋଟା ବ୍ୟକ୍ତି କମ୍ ପରିମାଣର ଅଣ୍ଡା ଖାଇବା ଉଚିତ ।
ଆହୁରି ପଢନ୍ତୁ :- ଆପଣଙ୍କ ପାଦ ବି ସବୁବେଳେ ଥଣ୍ଡା ରହୁଥିଲେ ଶରୀର ଦେଉଛି ଏହିସବୁ ଅଭାବର ସଙ୍କେତ, ଅଣଦେଖା କଲେ ବଢିପାରେ ସମସ୍ୟା
କିଛି ନ୍ୟୁଟ୍ରିସାନିଷ୍ଟଙ୍କ କୁହନ୍ତି ଯେ, ଯଦି ଅଣ୍ଡା ସୀମିତ ପରିମାଣରେ ଖିଆଯାଏ ତେବେ ଏହା କାହାରିକୁ କ୍ଷତି ପହଞ୍ଚାଏ ନାହିଁ । କାରଣ ଏହା ଏକ ସମ୍ପୂର୍ଣ୍ଣ ଖାଦ୍ୟ କିନ୍ତୁ ଯେଉଁମାନଙ୍କ ପରିବାରରେ ଜିନ୍ଗତ ଭାବେ କୋଲେଷ୍ଟ୍ରୋଲ୍ ସମସ୍ୟା ବେଶି ଅଣ୍ଡା ଖାଇବା ଉଚିତ ।
ଯେଉଁମାନଙ୍କର ଖାଦ୍ୟରେ ଅଧିକ ପରିମାଣର ପ୍ରୋଟିନ୍ ଥାଏ ସେମାନେ ମଧ୍ୟ ସୀମିତ ପରିମାଣରେ ଅଣ୍ଡା ଖାଇବା ଉଚିତ୍ । କାରଣ ଅତ୍ୟଧିକ ପରିମାଣର ଭିଟାମିନ୍ ଏ ମଧ୍ୟ କ୍ଷତିକାରକ ହୋଇପାରେ । ପ୍ରତିଦିନ ଗୋଟିଏରୁ ଦୁଇଟି ଅଣ୍ଡା ଖାଇବା ଉଚିତ୍ । ଯଦି ଆପଣ ବେଳେବେଳେ ଖାଆନ୍ତି ତେବେ ଆପଣ ଦୁଇରୁ ତିନିଟି ଅଣ୍ଡା ଖାଇବା ଉଚିତ୍ ।
