ବରଗଡ଼, ୦୨/୧୧: ଝୁଲନ୍ତା ଅବସ୍ଥାରେ ବୃଦ୍ଧଙ୍କ ମୃତ ଦେହ ଉଦ୍ଧାର ହୋଇଛି । ବୃଦ୍ଧଙ୍କ ହତ୍ୟା ହୋଇଥିବା ନେଇ ପରିବାର ଲୋକେ ଅଭିଯୋଗ କରିଛନ୍ତି । ମୃତକ ପଦ୍ମପୁର ଥାନା ଚାରପାଲି ଗାଁର ବିହାରିଲାଲ୍ ସୁନା ବୋଲି ଜଣା ପଡ଼ିଛି । ବରଗଡ଼ ଜିଲ୍ଲା ଘୁଲିପାଲି ୱାର୍ଡ ନମ୍ୱର୍ ୧୭ ରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବୃଦ୍ଧ ଜଣକ ଦୀର୍ଘ ଦିନ ହେଲା ଘୁଲିପାଲି ୱାର୍ଡ ନମ୍ୱର ୧୭ରେ ଥିବା ବିଜୟ ଶତପଥୀଙ୍କ ଘରେ ରହୁଥିଲେ ।
ତେବେ ଶନିବାର ତାଙ୍କ ମୃତଦେହ ଘର ବାରଣ୍ଡାରେ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଛି । ଏହା ଦେଖି ବିଜୟ ଶତପଥୀଙ୍କ ପରିବାର ଲୋକେ ତୁରକନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ବରଗଡ଼ ଟାଉନ ଥାନା ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଗନ୍ତ ଚଳାଇଛି ପୋଲିସ । ତେବେ ପାରିପାର୍ଶ୍ବିକ ସ୍ଥିତିକୁ ଦେଖି ଏହା ଏକ ହତ୍ୟା ଘଟଣା ବୋଲି ଅନୁମାନ କରୁଛି ପୋଲିସ
