ରଣବୀର କପୁର ଏହି ଚଳଚ୍ଚିତ୍ରରେ ପ୍ରଭୁ ଶ୍ରୀ ରାମଙ୍କ ଭୂମିକାରେ ଅଭିନୟ କରୁଛନ୍ତି । ସେହିପରି ଏହି ଚଳଚ୍ଚିତ୍ରରେ ଡବଲ୍ ରୋଲରେ ଦେଖିବାକୁ ମିଳିବ ।

ମିଡିଆ ରିପୋର୍ଟ ଅନୁଯାୟୀ,ରଣବୀର କପୁର ‘ରାମାୟଣ’ରେ ଡବଲ ଭୂମିକାରେ ଅଭିନୟ କରିବାକୁ ଯାଉଛନ୍ତି । ସେ ଏହି ଚଳଚ୍ଚିତ୍ରରେ ଭଗବାନ ବିଷ୍ଣୁଙ୍କର ଦୁଇଟି ଅବତାର ଉଭୟ ରାମ ଏବଂ ପର୍ଶୁରାମଙ୍କ ଭୂମିକାରେ ଅଭିନୟ କରିବେ । ‘ଶ୍ୟାମଶେରା ଏବଂ ଆନିମଲ’ ପରେ ଏହା ତାଙ୍କର ତୃତୀୟ ଚଳଚ୍ଚିତ୍ର ହେବ ଯେଉଁଥିରେ ସେ ଏକ ଡବଲ୍ ରୋଲ୍ କରିବାକୁ ଯାଉଛନ୍ତି । ବର୍ତ୍ତମାନ ସୁଦ୍ଧା ଫିଲ୍ମର କୌଣସି ଅଫିସିଆଲ୍ ଘୋଷଣା ହୋଇନାହିଁ କିନ୍ତୁ ଫିଲ୍ମର କାଷ୍ଟରେ ରଣବୀର କପୁର, ସାଇ ପଲ୍ଲବୀ ଏବଂ ଲାରା ଦତ୍ତାଙ୍କ ଭଳି କଳାକାର ନଜର ଆସିବେ ବୋଲି କୁହାଯାଉଛି। ବର୍ତ୍ତମାନ ଅମିତାଭ ବଚ୍ଚନ ମଧ୍ୟ ଏଥିରେ ଏଣ୍ଟ୍ରି କରିଛନ୍ତି । ସେହିପରି ବଲିଉଡର ମେଗାଷ୍ଟାର ଅମିତାଭ ବଚ୍ଚନ ମଧ୍ୟ ରାମାୟଣର କାଷ୍ଟରେ ଯୋଗଦେବେ । ହେଲେ ଶାରୀରିକ ଭାବରେ ଜଡିତ ହେବେ ନାହିଁ, ବରଂ ସେ ରାମାୟଣରେ ଜଟାୟୁଙ୍କ ସ୍ୱର ଦେବେ । ଦେବୀ ସୀତାଙ୍କୁ ବଞ୍ଚାଇବା ପାଇଁ ରାବଣ ସହିତ ମୁହାଁମୁହିଁ ସମୟରେ ଯିଏ ଜୀବନ ହରାଇଥାଏ । ଜଟାୟୁଙ୍କୁ ଉପସ୍ଥାପିତ କରିବା ପାଇଁ ନିର୍ମାତାମାନେ ବଚ୍ଚନଙ୍କ ଆଖି ସ୍କାନ କରିଥିବା ଜଣାଯାଇଛି । ଯାହାକୁ ସେମାନେ ଭିଏଫଏକ୍ସ ଭାବରେ ବ୍ୟବହାର କରିବେ ବୋଲି ସୂଚନା ମିଳିଛି।