ନୂଆଦିଲ୍ଲୀ: ଯଦି ଆପଣ ଗୁଗୁଲ୍ ପ୍ଲେ ଷ୍ଟୋରରୁ ଆପଣଙ୍କ ଫୋନ୍ ପାଇଁ ଆଣ୍ଟିଭାଇରସ୍ ଆପ୍ ଡାଉନଲୋଡ୍ କରିବାକୁ ଚାହୁଁଛନ୍ତି, ତେବେ ଟିକେ ସତର୍କ ରୁହନ୍ତୁ । କାରଣ, ଶାର୍କବଟ୍ ମାଲୱେର୍ ନାମକ ନକଲି ଆଣ୍ଟିଭାଇରସ୍ ଆପ୍ ଏବଂ କ୍ଲିନର୍ ଆପ୍ ହିସାବରେ ଗୁଗୁଲ୍ ପ୍ଲେ ଷ୍ଟୋର୍କୁ ଫେରିଛି । ମାଲୱେୟାର ବ୍ୟବହାରକାରୀଙ୍କ ବ୍ୟାଙ୍କିଙ୍ଗ ତଥ୍ୟ ଚୋରି କରୁଥିବା ଜଣାଯାଇଛି । ଏହି ବିପଜ୍ଜନକ ଆପଗୁଡ଼ିକରେ ମିଷ୍ଟର ଫୋନ୍ କ୍ଲିନର୍ ଏବଂ କିଲହାଭି ମୋବାଇଲ୍ ସିକ୍ୟୁରିଟି ବି ରହିଛି । ସବୁଠୁ ଭୟାନକ କଥା ହେଉଛି ଏହି ଆପଗୁଡ଼ିକ ୬୦୦୦୦ରୁ ଅଧିକ ଥର ଇନଷ୍ଟଲ୍ ହୋଇସାରିଛି । ଏନସିସି ଗ୍ରୁପର ଫକ୍ସ-ଆଇଟିର ତଥ୍ୟ ଅନୁଯାୟୀ, ସ୍ପେନ, ଅଷ୍ଟ୍ରେଲିଆ, ପୋଲାଣ୍ଡ, ଜର୍ମାନୀ, ଆମେରିକା ଏବଂ ଅଷ୍ଟ୍ରିଆର ଉପଭୋକ୍ତାଙ୍କୁ ଟାର୍ଗେଟ କରିବା ପାଇଁ ମାଲୱେୟାର ଡିଜାଇନ୍ କରାଯାଇଛି । ସେ ଆହୁରି ମଧ୍ୟ କହିଛନ୍ତି ଯେ, ଏହି ଆପଗୁଡ଼ିକ ଡ୍ରପର୍ ଶାର୍କବଟ୍ ମାଲୱେର୍ ସଂସ୍ଥାପନ କରିବା ପାଇଁ ଆକ୍ସେସିବିଲିଟି ଅନୁମତି ଆବଶ୍ୟକ କରେ ନାହିଁ ଆପେ ଏହା ପରିଚାଳିତ ହୋଇଥାଏ ।
ଏହାର ନୂଆ ଅପଡେଟ୍, ଉପଭୋକ୍ତାଙ୍କୁ ଆଣ୍ଟିଭାଇରସ୍ ବିପଦରୁ ସୁରକ୍ଷିତ ରହିବା ପାଇଁ ନକଲି ଅପଡେଟ୍ ଭାବରେ ମାଲୱେର୍ ଇନଷ୍ଟଲ୍ କରିବାକୁ କହିଥାଏ । ଯାହା ଗୁଗୁଲ୍ ପ୍ଲେ ଷ୍ଟୋର୍ରେ ଦୁଇଟି ଶାର୍କବଟ୍ ଡପର୍ ଆପ୍ ଉପଲବ୍ଧ ହେଉଛି, ୧୦ ହଜାର ଏବଂ ୫୦୦୦୦ ଇନଷ୍ଟଲ୍ କରିଥିବା ଜଣାଯାଇଛି । ମାଲୱେର୍ ଲଗିଂ କି-ଷ୍ଟ୍ରୋକ ଚୋରି କରିପାରେ, ଏସେମେସ୍ ବାର୍ତ୍ତାଗୁଡ଼ିକୁ ଅଟକାଇଥାଏ ଏବଂ ସ୍ୱୟଂଚାଳିତ ଟ୍ରାନ୍ସଫର ସିଷ୍ଟମ (ଏଟିଏସ୍) ବ୍ୟବହାର କରି ଜାଲିଆତି କରି ଟ୍ରାନ୍ସଫର କରିଥାଏ । ଆପଣ ଏହି ଆପ୍ ବ୍ୟବହାର କରୁଥିଲେ ତୁରନ୍ତ ଡିଲିଟ୍ କରନ୍ତୁ ।
ନୂଆ ଶାର୍କବଟ୍ ଅପଡେଟ୍ କରିଲାବେଳେ ଏକ ନୂଆ ଫିଚର୍ ମଧ୍ୟ ଅଛି ଯାହାକି ସେମାନଙ୍କ ବ୍ୟାଙ୍କ ଆକାଉଣ୍ଟରେ ଲଗ୍ କରୁଥିବା ଉପଭୋକ୍ତାଙ୍କ ଠାରୁ ଲଗିନ୍ ବେଳର ଡାଟା ଚୋରି କରିଥାଏ । ଯଦିଓ ଗୁଗୁଲ ଏହି ଆପଗୁଡିକୁ ନିଷିଦ୍ଧ କରିଛି, ଯିଏ ଏହାକୁ ଡାଉନଲୋଡ୍ କରିସାରିଛି, ସେଗୁଡ଼ିକୁ ତୁରନ୍ତ ଡିଲିଟ୍ କରିବା ଉଚିତ୍ । ଆହୁରି ମଧ୍ୟ, କୌଣସି ଅଜ୍ଞାତ କାରବାର ପାଇଁ ଆପଣଙ୍କର ବ୍ୟାଙ୍କ ଆକାଉଣ୍ଟ ଯାଞ୍ଚ କରନ୍ତୁ ।
