[ad_1]
ମୁମ୍ବାଇ : ଆଣ୍ଠେଇ ଆଣ୍ଠେଇ ତିରୁପତି ମନ୍ଦିରର ପାହାଚ ଚଢିଲେ ବଲିଉଡ ଅଭିନେତ୍ରୀ ଜାହ୍ନବୀ କପୁର | ଭାଇରାଲ ହେଲା ଭିଡିଓ | ଅନେକ ସମୟରେ ନିଜ ପରିବାର ଓ ପ୍ରେମିକ ଶିଖର ପହରିୟାଙ୍କ ସହ ତିରୁପତି ମନ୍ଦିର ଦର୍ଶନ ପାଇଁ ଯାଆନ୍ତି ଜାହ୍ନବୀ କପୁର | ଏଥର ନିଜ ଜନ୍ମଦିନ ଅବସରରେ ସେ ତିରୁପତି ମନ୍ଦିରରେ ପହଞ୍ଚିଥିଲେ | ତାଙ୍କ ସହ ଥିଲେ ଶିଖର ଏବଂ ତାଙ୍କ ଭଲ ବନ୍ଧୁ ଓରି |
Sambad is now on WhatsApp
Join and get latest news updates delivered to you via WhatsApp
ଓରି ପୁରା ଯାତ୍ରାର ବ୍ଲଗ କରିଥିବା ବେଳେ ସେଥିରେ ଜାହ୍ନବୀ ଆଣ୍ଠେଇ ଆଣ୍ଠେଇ ତିରୁପତି ମନ୍ଦିରର ପାହାଚ ଚଢ଼ୁଥିବା ଦେଖିବାକୁ ମିଳିଥିଲା | ତେବେ ପୁରା ନୁହେଁ, ମନ୍ଦିରର କିଛି ପାହାଚ ସେ ଆଣ୍ଠେଇ ଆଣ୍ଠେଇ ଚଢିଥିବା ବେଳେ ବାକି ପାହାଚ ଚାଲି ଚାଲି ଯାଇଥିଲେ | ଏଭଳି କରିବା ପଛର କାରଣ ଜଣାଇ ଜାହ୍ନବୀ କହିଛନ୍ତି ଯେ, “ଏହି ପବିତ୍ର ମନ୍ଦିର ସହିତ ମୋର ଆଧ୍ୟାତ୍ମିକ ସମ୍ପର୍କ ରହିଛି ଏବଂ ମୁଁ ପ୍ରାୟ ୫୦ଥର ଏଠାକୁ ଆସି ସାରିଛି | ପ୍ରଭୁ ତିରୁପତି ବାଲାଜୀଙ୍କୁ ମାଗିଥିବା ଜିନିଷ ପୂରଣ ହେଉ ବୋଲି ମୁଁ ଆଣ୍ଠେଇ ଆଣ୍ଠେଇ କିଛି ପାହାଚ ଚଢିଥାଏ |” ତେବେ ଜାହ୍ନବୀଙ୍କ ସହ ଓରି ମଧ୍ୟ ଆଣ୍ଠେଇ ଆଣ୍ଠେଇ ପାହାଚ ଚଢିଥିବା ଭିଡିଓରେ ଦେଖାଯାଇଛି |
ଗତ କିଛି ମାସ ତଳେ ସେ ତାଙ୍କ ଭଉଣୀ ଖୁସି କପୁର ଏବଂ ପିତା ବୋନି କପୁରଙ୍କ ସହ ମଧ୍ୟ ମନ୍ଦିର ପରିଦର୍ଶନ କରିଥିଲେ ।
[ad_2]
