[ad_1]
ନୂଆଦିଲ୍ଲୀ: ଲୋକସଭା ନିର୍ବାଚନର ଠିକ ପୂର୍ବରୁ ବିରୋଧୀ ଦଳମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ବିଜେପିକୁ କଟାକ୍ଷ କରିବାର କୌଣସି ସୁଯୋଗକୁ ହାତ ଛଡ଼ା କରୁନାହାନ୍ତି। ଏହି କ୍ରମରେ ମିଶ୍ରିତ ମାର୍ଶଲ ଆର୍ଟ ଖେଳାଳି ଚୁଙ୍ଗରେଙ୍ଗ କୋରେନଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ଉକ୍ତ ଖେଳାଳି ଜଣକ ପ୍ରଧାନମନ୍ତ୍ରୀଙ୍କୁ ହିଂସାରେ ପ୍ରଭାବିତ ମଣିପୁରଗସ୍ତ କରିବାକୁ ଅନୁରୋଧ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ଦଳ ମିଶ୍ରିତ ମାର୍ଶଲ ଆର୍ଟ ଖେଳାଳି ଚୁଙ୍ଗରେଙ୍ଗ କୋରେନଙ୍କ ଏହି ଭିଡିଓକୁ ସେୟାର କରି ମୋଦୀଙ୍କୁ କଟାକ୍ଷ କରିଛନ୍ତି। ଏହି ଭିଡିଓରେ କୋରେନ କାନ୍ଦିକାନ୍ଦି ମୋଦୀଙ୍କୁ ଗୁହାରି କରି କହୁଛନ୍ତି, ‘ଆଜ୍ଞା ମୁଁ ଆମ ରାଜ୍ୟରେ ଶାନ୍ତି ଚାହେଁ। ଏଠାରେ ପାଖାପାଖି ବର୍ଷେ ହେବ ହିଂସା ଚାଲିଛି। ଏହି ହିଂସା ହେତୁ ପ୍ରତିଦିନ ଅନେକ ଲୋକଙ୍କ ମୃତ୍ୟୁ ହେଉଛି। ରିଲିଫ କ୍ୟାମ୍ପରେ ଆଶ୍ରୟ ନେଇଥିବା ଲୋକଙ୍କୁ ଖାଦ୍ୟ ଓ ପାନୀୟ ମିଳୁନାହିଁ। ଯେଉଁଥିପାଇଁ ଭୋକଉପବାସରେ ମଣିପୁର ବାସିନ୍ଦାଙ୍କୁ ଦିନ କାଟିବାକୁ ପଡ଼ୁଛି। ପିଲାମାନଙ୍କ ପାଠପଢ଼ା ବି ଠିକ ଭାବେ ହୋଇପାରୁନାହିଁ। ଦୟାକରି ମୋଦୀ ଜୀ ଆପଣ ଥରଟେ ହେଲେ ମଣିପୁର ଆସନ୍ତୁ। ଲୋକଙ୍କ ଅବସ୍ଥା ଦେଖନ୍ତୁ। ମଣିପୁର କେମିତି ଶାନ୍ତି ହେବ ସେ ବ୍ୟବସ୍ଥା କରନ୍ତୁ।’
[ad_2]
