[ad_1]
କୋଲକାତା: ପଶ୍ଚିମବଙ୍ଗର ସନ୍ଦେଶଖାଲିରେ ତୃଣମୂଳ ନେତାଙ୍କ ଯୌନ ଶୋଷଣ ବିରୋଧରେ ମହିଳାମାନେ ସ୍ୱର ଉତ୍ତୋଳନ କରିଛନ୍ତି। କଲିକତା ହାଇକୋର୍ଟ ଓ ମହିଳା କମିସନ ମଧ୍ୟ ଏଥିପ୍ରତି ଦୃଷ୍ଟି ଦେଇଛନ୍ତି। ଏହି ବ୍ୟବସ୍ଥାଗତ ଯୌନ ଓ ସାମାଜିକ-ଅର୍ଥନୈତିକ ଶୋଷଣ କିପରି ଆରମ୍ଭ ହେଲା ଏବଂ ଲୋକମାନେ କାହିଁକି ପୂର୍ବରୁ ମୁହଁ ଖୋଲୁ ନ ଥିଲେ ତାହା ବର୍ତ୍ତମାନ ମୁଖ୍ୟପ୍ରଶ୍ନ ହୋଇଛି। ସନ୍ଦେଶଖାଲି ବାସିନ୍ଦା କନିକା ଦାସଙ୍କ ପରି ମହିଳାମାନେ ବର୍ଷବର୍ଷର ନୀରବତା ଭାଙ୍ଗିଛନ୍ତି। ସେମାନେ ତୃଣମୂଳ ନେତା ଶେଖ ଶାହାଜାହାନ ଏବଂ ତାଙ୍କ ସହଯୋଗୀମାନଙ୍କ ଦ୍ୱାରା ଭୟଙ୍କର ଯୌନ ଶୋଷଣର କାହାଣୀ ବର୍ଣ୍ଣନା କରିଛନ୍ତି ଏବଂ ନ୍ୟାୟ ମାଗିଛନ୍ତି। ସେମାନେ ଅଭିଯୋଗ କରିଛନ୍ତି ଯେ ମହିଳାମାନଙ୍କୁ ଚୟନ କରାଯାଇ ତୃଣମୂଳ ପାର୍ଟି କାର୍ଯ୍ୟାଳୟକୁ ନିଆଯାଉଥିଲା, ରାତି ପରେ ରାତି ସେଠାରେ ବନ୍ଦୀ କରି ରଖାଯାଉଥିଲା ଏବଂ ତୃଣମୂଳ ସଦସ୍ୟମାନେ ସନ୍ତୁଷ୍ଟ ହେବା ପରେ ହିଁ ଛଡ଼ାଯାଉଥିଲା। ସେମାନଙ୍କ ଅଭିଯୋଗର ଭିଡିଓ ଏବେ ଭାଇରାଲ ହେବାରେ ଲାଗିଛି। ପ୍ରବର୍ତ୍ତନ ନିର୍ଦ୍ଦେଶାଳୟର ଚଢ଼ଉ ଓ ଶେଖ ଶାହାଜାହାନ ଫେରାର ହୋଇଯିବା ପରେ ମହିଳାମାନେ ମୁହଁ ଖୋଲିବାକୁ ସକ୍ଷମ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏହା ସୁନ୍ଦରବନର ଏକ ଅଞ୍ଚଳ ଯେଉଁଠାରେ ଦାରିଦ୍ର୍ୟ ବର୍ଷ ବର୍ଷର ନୀରବତା ପଛରେ ଅନ୍ୟତମ ପ୍ରମୁଖ କାରଣ। ତା’ପରେ ଉକ୍ତ ଅଞ୍ଚଳରେ ଦୀର୍ଘ ବର୍ଷ ଧରି ରାଜନୈତିକ କ୍ଷମତା ଅସାମାଜିକ ତତ୍ତ୍ୱମାନଙ୍କ ହାତରେ ରହିଛି। ସେଥିପାଇଁ ଶେଖ୍ ଶାହାଜାହାନଙ୍କ ବିରୋଧରେ ଅଭିଯୋଗ କରିବାକୁ କୌଣସି ମହିଳା ସାହସ କରୁ ନ ଥିଲେ। କେହି ସାହସ କରି ଅଭିଯୋଗ କଲେ ପୁଲିସ ନୀରବ ରହୁଥିଲା ଓ ଅସାମାଜିକ ତତ୍ତ୍ବଙ୍କୁ ସମର୍ଥନ କରୁଥିଲା। ପ୍ରତିବାଦ କରିବାକୁ ସାହସ ଦେଖାଇଥିବା କିଛି ମହିଳା ନିକଟରେ ଏହାର ପରିଣାମ ଭୋଗିଥିଲେ। ଶେଖ ଶାହାଜାହାନଙ୍କ ବିରୋଧରେ ସ୍ୱର ଉତ୍ତୋଳନ କରିଥିବା ମହିଳାମାନଙ୍କୁ ଶେଖ୍ ଶାହାଜାହାନ ଏବଂ ତାଙ୍କ ସମର୍ଥକ ଶିବୁ ହାଜରା ଓ ଉତ୍ତମ ସର୍ଦ୍ଦାର ପ୍ରମୁଖ ଆକ୍ରମଣ କରିଥିଲେ। ‘ରାତି ୩ଟାରେ ଦୁର୍ବୃତ୍ତମାନେ ପୁଲିସ ସହ ପ୍ରାୟ ୨୦ରୁ ୩୦ ଜଣ ମୋ ଘରକୁ ଆସି କବାଟକୁ ଧକ୍କା ମାରିଥିଲେ, ଝରକା ଭାଙ୍ଗିଥିଲେ, ମୋ ହାତ ଓ କେଶ ଧରି ଟାଣି ନେଇଥିଲେ ଏବଂ ମୋ ଶିଶୁ କନ୍ୟାକୁ ଛଡ଼ାଇ ନେଇ ଫିଙ୍ଗି ଦେଇଥିଲେ’ ବୋଲି ଫେବ୍ରୁଆରି ୧୦ ତାରିଖରେ ଘଟିଥିବା ଏକ ଘଟଣାକୁ ମନେ ପକାଇ କନିକା ଦାସ କହିଛନ୍ତି।
ପଶ୍ଚିମବଙ୍ଗରେ ବିଜେପିର ବିରୋଧୀ ଦଳ ନେତା ତଥା ନନ୍ଦିଗ୍ରାମ ବିଧାୟକ ଶୁଭେନ୍ଦୁ ଅଧିକାରୀ ଫେବ୍ରୁଆରି ୧୧ ତାରିଖରେ ସନ୍ଦେଶଖାଲିରେ ଘଟିଥିବା ଘଟଣାକ୍ରମ ଉପରେ ପ୍ରତିକ୍ରିୟା ପ୍ରକାଶ କରି ଲେଖିଥିଲେ, ଶେଖ୍ ଶାହାଜାହାନ ଏବଂ ତାଙ୍କ ଗ୍ୟାଙ୍ଗ ଆତଙ୍କରାଜ ଚଳାଇଥିଲେ, ଅନୁସୂଚିତ ଜାତି ଓ ଜନଜାତି ସମ୍ପ୍ରଦାୟର ମହିଳାଙ୍କ ଇଜ୍ଜତ ବାରମ୍ବାର ଲୁଟୁଥିଲେ। ବିଜେପି ନେତାଙ୍କ ଅଭିଯୋଗର ଜବାବ ଦେଇ ଟିଏମ୍ସି ମୁଖପାତ୍ର କୁନାଲ ଘୋଷ ଅଭିଯୋଗ କରିଛନ୍ତି ଯେ ବିଜେପି ବାତାବରଣକୁ ଖରାପ କରିବାକୁ ଚେଷ୍ଟା କରୁଛି। ଗଣଦୁଷ୍କର୍ମ ଅଭିଯୋଗ ଭିତ୍ତିହୀନ ବୋଲି ସେ କହିଛନ୍ତି। କୋଲକାତା ହାଇକୋର୍ଟ ମଧ୍ୟ ମଙ୍ଗଳବାର (ଫେବ୍ରୁଆରି ୧୩) ସନ୍ଦେଶଖାଲି ଘଟଣାକୁ ସଂଜ୍ଞାନକୁ ନେଇଛନ୍ତି। ମମତା ବାନାର୍ଜୀଙ୍କ ନେତୃତ୍ୱାଧୀନ ତୃଣମୂଳ କଂଗ୍ରେସ (ଟିଏମ୍ସି) ସରକାରଙ୍କୁ ‘ବନ୍ଧୁକ ଦେଖାଇ’ ମହିଳାଙ୍କ ଉପରେ ଯୌନ ନିର୍ଯାତନା ଏବଂ ସନ୍ଦେଶଖାଲିରେ ଆଦିବାସୀ ଜମି ଦଖଲ ଅଭିଯୋଗର ଉପରେ ଫେବ୍ରୁଆରି ୨୦ ସୁଦ୍ଧା ରିପୋର୍ଟ ଦାଖଲ କରିବାକୁ କୁହାଯାଇଛି।
[ad_2]
