[ad_1]
ରାଉରକେଲା: ପାନପୋଷ କ୍ରୀଡ଼ା ଛାତ୍ରାବାସରେ ଚାଲିଥିବା ‘ନୂଆ-ଓ’ ରାଜ୍ୟସ୍ତରୀୟ ହକି ପ୍ରତିଯୋଗିତାର ଫାଇନାଲ ସୂଚୀ ଚୂଡ଼ାନ୍ତ ହୋଇଯାଇଛି। ନିଜ ନିଜ ସେମିଫାଇନାଲ ମ୍ୟାଚ୍କୁ ଜିତି ଉଭୟ ପୁରୁଷ ଓ ମହିଳା ବର୍ଗରେ ସୁନ୍ଦରଗଡ଼ ଓ ଖୋର୍ଦ୍ଧା ଦଳ ଫାଇନାଲ ପ୍ରବେଶ କରିଛି। ବୁଧବାର ଖେଳାଯିବାକୁ ଥିବା ଉଭୟ ପୁରୁଷ ଓ ମହିଳାରେ ସୁନ୍ଦରଗଡ଼ ଓ ଖୋର୍ଦ୍ଧା ଦଳ ମୁହାଁମୁହିଁ ହେବେ। ମଙ୍ଗଳବାର ଖେଳାଯାଇଥିବା ସମସ୍ତ ୪ଟି ସେମିଫାଇନାଲ ମ୍ୟାଚ୍ ଏକତରଫା ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଆଜି ମହିଳା ବର୍ଗର ପ୍ରଥମ ସେମିଫାଇନାଲ ମ୍ୟାଚ୍ ଖୋର୍ଦ୍ଧା ଓ ସମ୍ବଲପୁର ମଧ୍ୟରେ ଖେଳାଯାଇଥିଲା। ଏଥିରେ ଖୋର୍ଦ୍ଧା ୩-୦ ଗୋଲ୍ରେ ବିଜୟୀ ହୋଇ ଫାଇନାଲ ସ୍ଥାନ ସୁରକ୍ଷିତ କରିଥିଲା। ଦ୍ବିତୀୟ ସେମିଫାଇନାଲରେ ସୁନ୍ଦରଗଡ଼ ୭-୧ ଗୋଲରେ ଦେବଗଡ଼କୁ ପରାସ୍ତକରି ଦ୍ବିତୀୟ ଦଳଭାବେ ଫାଇନାଲ ପ୍ରବେଶ କରିଥିଲା। ସେହିଭଳି ପୁରୁଷ ବର୍ଗରେ ଖୋର୍ଦ୍ଧା ୪-୧ ଗୋଲରେ ସମ୍ବଲପୁରକୁ ଏବଂ ସୁନ୍ଦରଗଡ଼ ୫-୦ ଗୋଲରେ ଢ଼େଙ୍କାନାଳକୁ ପରାସ୍ତକରି ଫାଇନାଲ ପ୍ରବେଶ କରିଛି।
[ad_2]
