[ad_1]
ମୁମ୍ବାଇ: ବଲିଉଡ ସୁପରଷ୍ଟାର ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ଫିଲ୍ମ ‘ଫାଇଟର୍’ ରିଲିଜ ହେବା ମାତ୍ରେ ବକ୍ସ ଅଫିସରେ ଧମାଲ କରିବା ଆରମ୍ଭ କରିଛି। ଗଣତନ୍ତ୍ର ଦିବସର ଗୋଟାଏ ଦିନ ପୂର୍ବରୁ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ରକୁ ଉଭୟ ଦର୍ଶକ ଏବଂ ସମୀକ୍ଷକଙ୍କମାନେ ପସନ୍ଦ କରୁଥିବା ଦେଖିବାକୁ ମିଳିଛି। ଲୋକମାନେ ଫିଲ୍ମର ଭିଜୁଆଲ୍ ଏବଂ କଳାକାରଙ୍କ କାମକୁ ଖୁବ ପସନ୍ଦ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
‘ଫାଇଟର୍’ ରିଲିଜ୍ ହେବା ପୂର୍ବରୁ ଆଶା କରାଯାଉଥିଲା ଯେ ଫିଲ୍ମଟି ଗଣତନ୍ତ୍ର ଦିବସର ଗୋଟାଏ ଦିନ ପୂର୍ବରୁ ରିଲିଜ ହେଉଥିବାରୁ ଛୁଟିଦିନର ଭଲ ଆୟ କରିବ ବୋଲି ଆଶା କରାଯାଉଥିଲା, ଯାହା ଏବେ ପ୍ରମାଣ ହୋଇଛି। ଫିଲ୍ମଟି ଖୁବ କମ ଦିନରେ ୨୦୦କୋଟିରୁ ଅଧିକ ଟଙ୍କା ଆୟ କରିଛି। ବିଶ୍ବ ବକ୍ସ ଅଫିସର ଆୟକୁ ମିଶାଇ ଫିଲ୍ମଟି ୨୦୦କୋଟିରୁ ଅଧିକ ଟଙ୍କା ଆୟ କରିଥିବା ଜଣାପଡ଼ିଛି।
ଏହି ଫିଲ୍ମ ଜାନୁଆରି ୨୫ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ପ୍ରଥମ ଦିନରେ ଏହି ଚଳଚ୍ଚିତ୍ରଟି ଭାରତରେ ୨୨.୫୦ କୋଟି ଟଙ୍କା ରୋଜଗାର କରିଥିଲା। ଏହା ସହ ଦ୍ୱିତୀୟ ଦିନରେ ୩୯.୫କୋଟି ଟଙ୍କା, ତୃତୀୟ ଦିନରେ ୨୭.୫ କୋଟି ଟଙ୍କା ଏବଂ ଚତୁର୍ଥ ଦିନରେ ୨୯କୋଟି ଟଙ୍କାର ବ୍ୟବସାୟ କରିଥିଲା। ସପ୍ତାହ ଶେଷରେ ଅର୍ଥାତ୍ ଏହି ଚଳଚ୍ଚିତ୍ରଟି ପ୍ରଥମ ୪ଦିନରେ ଭାରତରେ ମୋଟ ୧୧୮.୫୦ କୋଟି ଟଙ୍କା ଆୟ କରିଛି। ଯଦି ଆମେ ବିଶ୍ବ ବକ୍ସ ଅଫିସର ଆୟକୁ ଦେଖିବା ତେବେ ଫିଲ୍ମଟି ମୋଟ ୨୦୦କୋଟି ଟଙ୍କା ଆୟ କରିସାରିଥିବା ଜଣାପଡ଼ିଛି।
[ad_2]
