[ad_1]
ଭୁବନେଶ୍ୱର, ୧୮/୧ : ରାଉରକେଲା ମହାନଗର ନିଗମ ଅନ୍ତର୍ଗତ ବାସନ୍ତୀ କଲୋନୀ ଅଞ୍ଚଳର ସୁନାଗହଣା ଦୋକାନରେ ଡ଼କାୟତି ଯୋଜନା କରୁଥିବାବେଳେ ୬ଜଣଙ୍କୁ ଗିରଫ କରିଛି ପୁଲିସ । ସେମାନଙ୍କଠାରୁ ୩ଟି ବନ୍ଧୁକ, ୬ ଗୁଳି ଜବତ କରିଛି । ଡିଏଭି ପଡ଼ିଆରେ ୯ରୁ ୧୦ ଜଣ ଯୁବକ ଏକାଠି ହୋଇଥିବା ନେଇ ଏସ୍ଆଇ ସୁକଳ ଠେମାରିଆଙ୍କୁ ସୂଚନା ମିଳିଥିଲା। ପାଟ୍ରୋଲିଂ ଗାଡ଼ି ଓ ପିସିଆାର ଭ୍ୟାନ ଚଢ଼ଉ କରିଥିଲେ। ପୁଲିସକୁ ଦେଖି ଘଟଣାସ୍ଥଳରୁ ୪ ଯୁବକ ଫେରାର ହୋଇଯାଇଥିଲେ। ଗିରଫମାନେ ହେଲେ ରାଉରକେଲା ମହାନଗର ନିଗମ ଅନ୍ତର୍ଗତ ମାଲଗୋଦାମ ଅଞ୍ଚଳର ରାହୁଲ ଗୋପ, ଆମ୍ବେଦକର ନଗରର ରୋହିତ ନାୟକ, ଶିତଳପଡ଼ାର ସୋନୁ ସାହୁ, ଗୋପବନ୍ଧୁପାଲିର ରାଜା ଯାଦବ ଓ ସୁରଜ ମାହାତୋ , ମହତାବରୋଡର ଏମଡି ଇରସାଦ୍ । ସେମାନଙ୍କଠାରୁ ୩ଟି ଦେଶୀ ବନ୍ଧୁକ, ୧ ଖେଳନା ବନ୍ଧୁକ, ମୋବାଇଲ, ୬ଟି ଗୁଳି, ଭୁଜାଲି, ଲୁହାଛଡ଼ ପୁଲିସ ଜବତ କରିଛି ।
[ad_2]
