[ad_1]
ନୂଆଦିଲ୍ଲୀ: ସାଉଥ ଇଣ୍ଡଷ୍ଟ୍ରିରୁ ଏକ ଦୁଃଖଦ ଖବର ସାମ୍ନାକୁ ଆସିଛି। ପ୍ରସିଦ୍ଧ ମାଲାୟାଲମ୍ ସଂଗୀତ ନିର୍ଦ୍ଦେଶକ କେଜେ ଜୋଏଙ୍କ ଦେହାନ୍ତ ହୋଇଥିବା ସାମ୍ନାକୁ ଆସିଛି। ନିର୍ଦ୍ଦେଶକ ୭୭ବର୍ଷ ବୟସରେ ଚେନ୍ନାଇରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସୂଚନାନୁସାରେ, ସୋମବାର ସଂଗୀତ ନିର୍ଦ୍ଦେଶକ ଚେନ୍ନାଇରେ ତାଙ୍କ ଘରେ ଶେଷ ନିଶ୍ୱାସ ତ୍ୟାଗ କରିଛନ୍ତି। କେଜେ ଜୋଏ ଦୀର୍ଘ ସମୟ ଧରି ଅସୁସ୍ଥ ଥିଲେ ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ତାଙ୍କ ଦେହାନ୍ତ ଖବର ସାମ୍ନାକୁ ଆସିବା ପରେ ସାଉଥ ଇଣ୍ଡଷ୍ଟ୍ରିରେ ଶୋକର ଲହରୀ ଖେଳି ଯାଇଛି। ଖବର ଅନୁଯାୟୀ ବୁଧବାର ଦିନ ଚେନ୍ନାଇରେ କେଜେ ଜୋଏଙ୍କ ଶେଷ ରୀତିନୀତି ଅନୁଷ୍ଠିତ ହେବ।
ଉଲ୍ଲେଖଯୋଗ୍ୟ, କେଜେ ଜୋଏ ୧୯୭୫ମସିହାରେ ମାଲାୟାଲମ୍ ସିନେମାରେ ନିଜର କ୍ୟାରିଅର୍ ଆରମ୍ଭ କରିଥିଲେ। ସେ ମାଲାୟାଲମ୍ ଇଣ୍ଡଷ୍ଟ୍ରିରେ ଅନେକ ଗୀତ ରଚନା କରିଥିଲେ। ଲୋକମାନେ ତାଙ୍କ ଗୀତକୁ ସର୍ବଦା ବହୁତ ପସନ୍ଦ କରନ୍ତି। ଗୀତ ରଚନା ବ୍ୟତୀତ କେଜେ ଜୋଏ ୫୦୦ରୁ ଅଧିକ ଚଳଚ୍ଚିତ୍ରରେ ସହକାରୀ ସଙ୍ଗୀତ ନିର୍ଦ୍ଦେଶକ ଭାବରେ ମଧ୍ୟ କାର୍ଯ୍ୟ କରିଥିଲେ। କେଜେ ଜୋଏ ମାଲାୟାଲମ୍ ସଙ୍ଗୀତ ଜଗତରେ ଅନେକ ପରିବର୍ତ୍ତନ ଆଣି ନିଜ ପାଇଁ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ।
[ad_2]
