[ad_1]
ଭୁବନେଶ୍ବର: ଆଇଏସ୍ଏଲ୍ରେ ଓଡ଼ିଶା ଏଫ୍ସିର ବିଜୟ ଧାରା ଅବ୍ୟାହତ ରହିଛି। ଶୁକ୍ରବାର ଘରୋଇ ମ୍ୟାଚ୍ରେ ଓଡ଼ିଶା ଏଫ୍ସି ୪-୧ ଗୋଲ୍ରେ ଜାମସେଦପୁର ଏଫ୍ସିକୁ ପରାସ୍ତ କରିଛି। ଏହି ବିଜୟ ଫଳରେ ଓଡ଼ିଶା ଏଫ୍ସି ୧୨ ମ୍ୟାଚ୍ରୁ ୭ ବିଜୟ ସହ ୨୪ ପଏଣ୍ଟରେ ଟେବୁଲ୍ର ତୃତୀୟ ସ୍ଥାନରେ ଅପରିବର୍ତ୍ତିତ ରହିଛି। ଶୁକ୍ରବାର କଳିଙ୍ଗ ଷ୍ଟାଡିୟମ୍ରେ ଖେଳାଯାଇଥିବା ଏହି ମ୍ୟାଚ୍ର ୨୩ ମିନିଟ୍ରେ ଜାମସେଦପୁରର ରେଇ ଟାଚିକାୱା ଗୋଲ୍ ଦେଇ ଦଳକୁ ଅଗ୍ରଣୀ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ୪ ମିନଟ୍ ପରେ ଘରୋଇ ଦଳର ଈଶାକ ଭାନଲାଲରୁଆତଫେଲା ସ୍ଥିତି ବରାବର କରିଥିଲେ। ପରେ ୩୬ ଓ ୪୫+୩ ମିନିଟ୍ରେ ରୟ କ୍ରିଷ୍ଣା ଦୁଇଟି ଏବଂ ୪୫+୨ ମିନିଟ୍ରେ ଡିଏଗୋ ମୌରିସିଓ ଗୋଟିଏ ଗୋଲ୍ ଦେଇ ପ୍ରଥମାର୍ଦ୍ଧ ସୁଦ୍ଧା ଓଡ଼ିଶାକୁ ୪-୧ରେ ଅଗ୍ରଣୀ ଦେଇଥିଲେ। ଦ୍ବିତୀୟାର୍ଦ୍ଧରେ କିନ୍ତୁ କୌଣସି ଗୋଲ୍ ନହେବାରୁ ଭୁବନେଶ୍ବର ଭିତ୍ତିକ ଏହି ଦଳ ସହଜରେ ବିଜୟୀ ହୋଇଥିଲା।
[ad_2]
