[ad_1]
ମୁମ୍ବାଇ: ସନ୍ଦୀପ ରେଡ୍ଡୀ ବାଙ୍ଗାଙ୍କ ନିର୍ଦ୍ଦେଶିତ ଫିଲ୍ମ ‘ଆନିମଲ’ ପ୍ରେକ୍ଷାଳୟରେ ଭଲ ପ୍ରଦର୍ଶନ କରିଥିଲା। ଅନେକ ଫିଲ୍ମର ରିଲିଜ୍ ଦିନ ଦର୍ଶକଙ୍କ ଭିଡ଼ ଜମୁନଥିବା ବେଳେ ୧୦ମ ଦିନ ପରେ ବି ଅଭିନେତା ରଣବୀର କପୁର ଏବଂ ଅଭିନେତ୍ରୀ ରଶ୍ମିକା ମନ୍ଦନାଙ୍କ ଅଭିନୀତ ଚଳଚ୍ଚିତ୍ର ଦେଖିବାକୁ ବହୁତ ଭିଡ଼ ଜମିଥିବା ଦେଖାଯାଇଥିଲା। ଦର୍ଶକଙ୍କ ଭଲପାଇବା ପାଇଁ ‘ଆନିମଲ’ ଅନେକ ଫିଲ୍ମର ରେକର୍ଡ ଭାଙ୍ଗିଥିଲା।
Sambad is now on WhatsApp
Join and get latest news updates delivered to you via WhatsApp
ଫିଲ୍ମରେ ପ୍ରଥମ କରି କଳାକାର ରଣବୀର କପୁର ଓ ରଶ୍ମିକା ମନ୍ଦନା ସ୍କ୍ରିନ ସେୟାର କରିଥିଲେ। ତେବେ ଫିଲ୍ମଟି ସୁପରହିଟ୍ ହୋଇଥିବା ବେଳେ ‘ଆନିମଲ’ରେ କେଉଁ ଜିନିଷକୁ ରଣବୀର ପସନ୍ଦ କରିନଥିଲେ ତାହା ସାମ୍ନାକୁ ଆସିଛି। ନିର୍ଦ୍ଦେଶକ ସନ୍ଦୀପ ରେଡ୍ଡୀ ବାଙ୍ଗା ଏହି ଖୁଲାସା କରିଛନ୍ତି। ଏକ ସାକ୍ଷାତକାରରେ ସନ୍ଦୀପ କହିଛନ୍ତି ଯେ, ରଣବୀର ସୁଟିଂ ସମୟରେ କୌଣସି ଦୃଶ୍ୟ କରିବାକୁ ମନା କରିନଥିଲେ। ମୁଁ ଯେଉଁଭଳି ଭାବେ ତାଙ୍କୁ କରିବାକୁ କହିଥିଲି, ସେ ସେଭଳି ଦୃଶ୍ୟର ସୁଟିଂ କରିଥିଲେ। ହେଲେ ଅଡିଓ ଟିଜର ବେଳେ ତାଙ୍କ ନାମ ଆଗରେ ସୁପରଷ୍ଟାର ଲେଖାଯାଇଥିବା ଦେଖି ରଣବୀର ପସନ୍ଦ କରିନଥିଲେ। ସେ ମୋତେ ସୁପରଷ୍ଟାର ହଟାଇବାକୁ କହିଥିଲେ। ସାଉଥ୍ ଇଣ୍ଡଷ୍ଟ୍ରିରେ ଏଭଳି ହୁଏ। ହେଲେ ବଲିଉଡରେ ହୁଏ ନାହିଁ ବୋଲି ସେ ମୋତେ କହିଥିଲେ। କିନ୍ତୁ ମୁଁ ତାଙ୍କ କଥା ଶୁଣିନଥିଲି। ମୋ ହିସାବରେ ତୁମେ ସୁପରଷ୍ଟାର ବୋଲି କହି ମୁଁ ଅଡିଓ ଓ ଫିଲ୍ମର ପୋଷ୍ଟରରେ ତାଙ୍କ ନାମ ଆଗରେ ସୁପରଷ୍ଟାର ଲଗାଇଥିଲି।
[ad_2]
