[ad_1]
ରାଇରଙ୍ଗପୁର: ରାଇରଙ୍ଗପୁର ପୌର ପରିଷଦର ପୁରୁଣାଘାଟି ୮ ନମ୍ବର ଓ୍ବାର୍ଡରେ ଜରାନିଵାସ କେନ୍ଦ୍ର ହେଲ୍ପ ଏଜର ଇଣ୍ଡିଆ,ନିଉ ଦିଲ୍ଲୀ ତରଫରୁ ଆଜୀମ ପ୍ରେମଜୀ ଫାଉଣ୍ଡେସନ ଏବଂ ମୟୂରଭଞ୍ଜ ଜିଲ୍ଲାର ଅଗ୍ରଣୀ ସ୍ବେଚ୍ଛାସେବୀ ସଂସ୍ଥା ଆରଡିଏସି ମିଳିତ ଆନୁକୂଲ୍ୟରେ ରାଜ୍ୟ ବିଜୁ ଶକ୍ତି ବିଭାଗର ଉପଦେଷ୍ଟା ଦୀପ୍ତିମାନ ବଳ ଉଦଘାଟନ କରିଛନ୍ତି।ଏହି ମହତ ସାମାଜିକ ସେବା କାର୍ଯ୍ୟକ୍ରମରେ ୨୧ ନମ୍ବର ଜିଲ୍ଲା ପରିଷଦ ସଦସ୍ଯା ଜନତା ଵସା,୨୫ ନମ୍ବର ଜିଲ୍ଲା ପରିଷଦ ସଂସ୍ଥା ଭଗବତୀ ମିଶ୍ର,୪୬ ନମ୍ବର ଜିଲ୍ଲା ପରିଷଦ ସଦସ୍ୟା ଲିପିକା ମଣ୍ଡଳ, ୮ ନମ୍ବର କାଉନସିଲର ପୂର୍ଣ୍ଣିମା ମହାନ୍ତ,୧୩ ନମ୍ବର କାଉନସିଲର ଧୀରଜ ଵେଶ୍ରା,୭ ନମ୍ବର କାଉନସିଲର ଦେବସ୍ମିତା ଡଗରା,୪ ନମ୍ବର କାଉନସିଲର ଆରତୀ ମାରାଣ୍ଡୀ,୬ ନମ୍ବର କାଉନସିଲର କ୍ରିଷ୍ନାଦେଵୀ ସ୍ବାମୀ, ଉପଖଣ୍ଡ ସାମାଜିକ ସୁରକ୍ଷା ଅଧିକାରୀ ରଣଜିତ ସୋରେନ , ଅବସରପ୍ରାପ୍ତ ଡିଏସଏସଓ ନରେଶ ଚନ୍ଦ୍ର ବିନ୍ଧାଣି, ହେଲ୍ପ ଏଜ୍ ରାଜ୍ୟ ମିଡିଆ ମୁଖ୍ୟ ଭାରତୀ ଚକ୍ର, ରଂଜନ ଦାସ, ଜିଲ୍ଲା ସଂଯୋଜକ ସୁଦର୍ଶନ ମୁଦୁଲି,ଆରଡିଏସି ସଂପାଦକ ବିଜୟ କୁମାର ଵେହେରା,ମେନେଜର ଶ୍ରୀମତୀ ରଣଜିତା ଲେଙ୍କା ପ୍ରମୁଖ ଉପସ୍ଥିତ ଥିଲେ । ଯୁବ ସମାଜସେବୀ ତଥା ରାଜ୍ୟ ବିଜୁ ଶକ୍ତି ଉପଦେଷ୍ଟା ଦୀପ୍ତିମାନ ବଳ କହିଥିଲେ ସମାଜରେ ଵୟସ୍କମାନେ ଅଲୋଡା ନୁହନ୍ତି ।
ସେମାନଙ୍କ ଅଭିଜ୍ଞତା, ଅନୁଭୁତି, ତ୍ୟାଗ,ନିଷ୍ଠା, କର୍ତ୍ତବ୍ୟପରାୟଣତା ଯୋଗୁଁ ସମାଜ ଆଗକୁ ଆଗ ବଢି ଚାଲିଛି ।ପରିଣତ ବୟସରେ ସେମାନଙ୍କୁ ହତାଦର,ଅଲୋଡା,ବୋଝ ବୋଲି ଭାବିବା ଉଚିତ ନୁହେଁ ।ସେମାନେ ମଧ୍ୟ ସମାଜରେ ସମ୍ମାନର ସହିତ ବାକିତକ ଜୀବନ କାଟିବା ଉଚିତ । ସେମାନଙ୍କ ଅନୁଭୂତି, ଉପଦେଶକୁ ମାନି ଆମ୍ଭେମାନେ ଆଗେଇବା ଉଚିତ । ଦୀର୍ଘ ବର୍ଷର ପ୍ରଚେଷ୍ଟାପରେ ଆଜି ଅବହେଳିତ ବୁଢ଼ାବୁଢ଼ୀକୁ ସାମାନ୍ୟ ରାହା ଦେବାପାଇଁ ଆରଡିଏସି ର ସଂପାଦକ ବିଜୟ ବେହେରା , ସମାଜସେବୀ ଦୀପ୍ତିମାନ ବଳଙ୍କ ବଳିଷ୍ଠ ଉଦ୍ୟମରେ ଏକ ୫୦ ଶଯ୍ୟା ବିଶିଷ୍ଟ ବୃଦ୍ଧାଆଶ୍ରମ ଉଦଘାଟିତ ହୋଇଯାଇଛି ।ଆଜିର ଦିନରେ ୯ ଜଣ ବୃଦ୍ଧ ବୃଦ୍ଧା ରହିଛନ୍ତି । ଜାନୁୟାରୀ ସୁଦ୍ଧା ୫୦ ଜଣ ବୁଢ଼ାବୁଢ଼ୀଙ୍କୁ ଏଠାରେ ରଖାଯାଇ ମାଗଣା ଖାଦ୍ୟ,ରହଣୀ,ସେବା, ଶୁଶ୍ରୁଷା,ଯତ୍ନ, ଔଷଧ ଦିଆଯିବ ବୋଲି ଅନୁଷ୍ଠାନର ସଂପାଦକ ବିଜୟ ବେହେରା,ମେନେଜର ରଞ୍ଜିତା ଲେଙ୍କା ସୂଚନା ଦେଇଛନ୍ତି । ଜରା ନିବାସ କେନ୍ଦ୍ର ଖୋଲା ଯାଇଥିବାରୁ ସମାଜସେବୀ ଦୀପ୍ତିମାନ ବଳ ,ବିଜୟ ବେହେରାଙ୍କ ବଳିଷ୍ଠ ଉଦ୍ୟମକୁ ସାଧୁବାଦ ଜଣାଯାଇଛି ।
[ad_2]
