[ad_1]
ନୂଆଦିଲ୍ଲୀ: ଗତ ଶନିବାର ଅର୍ଥାତ୍ ଅକ୍ଟୋବର ୧୪ରେ ପାକିସ୍ତାନ ଏବଂ ଭାରତ ମଧ୍ୟରେ ହାଇଭୋଲଟେଜ୍ ମ୍ୟାଚ୍ ଖେଳାଯାଇଥିଲା। ଯେଉଁଥିରେ ଭାରତ ପାକିସ୍ତାନକୁ ହରାଇ ବିଜୟୀ ହୋଇଥିଲା। ଏହି ମ୍ୟାଚ୍ ଗତ ଶନିବାର ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଅନୁଷ୍ଠିତ ହୋଇଥିଲା। ଏହି ମ୍ୟାଚ୍ ଦେଖିବାକୁ ଲକ୍ଷ ଲକ୍ଷ ଲୋକଙ୍କ ସହ ଅଭିନେତ୍ରୀ ଉର୍ବଶୀ ରୌତେଲା ମଧ୍ୟ ଆସିଥିଲେ।
ମ୍ୟାଚ୍ ସମୟରେ ଭାରତକୁ ବହୁତ ଉତ୍ସାହିତ କରିଥିଲେ ଉର୍ବଶୀ। କିନ୍ତୁ ମ୍ୟାଚ୍ ଶେଷ ହେବା ପରେ ଅଭିନେତ୍ରୀଙ୍କ ଖୁସି ଦୁଃଖରେ ପରିଣତ ହୋଇଥିଲା। କାରଣ ତାଙ୍କର ୨୪କ୍ୟାରେଟ୍ ସୁନା ଆଇଫୋନ୍ ହଜି ଯାଇଥିଲା। ଅଭିନେତ୍ରୀ ନିଜେ ସୋସିଆଲ ମିଡିଆରେ ଏହି ସୂଚନା ଦେଇଥିଲେ। ବର୍ତ୍ତମାନ ପାଞ୍ଚ ଦିନ ପରେ ଉର୍ବଶୀ ରୌତେଲାଙ୍କୁ ତାଙ୍କ ଫୋନ୍ ସମ୍ବନ୍ଧରେ ଏକ ଅପଡେଟ୍ ମିଳିଛି।
📱 Lost my 24 carat real gold i phone at Narendra Modi Stadium, Ahmedabad! 🏟️ If anyone comes across it, please help. Contact me ASAP! 🙏 #LostPhone #AhmedabadStadium #HelpNeeded #indvspak@modistadium @ahmedabadpolice
Tag someone who can help pic.twitter.com/2OsrSwBuba— URVASHI RAUTELA🇮🇳 (@UrvashiRautela) October 15, 2023
ଫୋନ ରଖିଥିବା ଯୁବକ ତାଙ୍କୁ ମେଲ୍ କରି ଫୋନ ଫେରାଇ ଦେବେ ବୋଲି କହିଛନ୍ତି। ହେଲେ ଫୋନ ଫେରାଇବା ପୂର୍ବରୁ ସେ ଅଭିନେତ୍ରୀଙ୍କ ଆଗରେ ଏକ ସର୍ତ୍ତ ରଖିଥିବା ଜଣାପଡ଼ିଛି। ଉର୍ବଶୀ ରୌତେଲାଙ୍କ ପାଖକୁ ଗ୍ରୋ ଟ୍ରେଡର୍ସ ନାମକ ଏକ ଆକାଉଣ୍ଟରୁ ମେଲ ଆସିଛି, ଯାହାର ସ୍କ୍ରିନସଟ ଅଭିନେତ୍ରୀ ତାଙ୍କ ସୋସିଆଲ ମିଡିଆରେ ସେୟାର କରିଛନ୍ତି। ଯେଉଁଥିରେ ଲେଖାଯାଇଛି, ଆପଣଙ୍କ ଫୋନ ମୋ ପାଖରେ ଅଛି, ଯଦି ଆପଣ ଏହାକୁ ଫେରି ପାଇବାକୁ ଚାହୁଁଛନ୍ତି ତେବେ ଆପଣଙ୍କୁ ମୋତେ ସାହାଯ୍ୟ କରିବାକୁ ହେବ। ମୋ ଭାଇଙ୍କର କର୍କଟ ରୋଗ ହୋଇଛି। ଆପଣ ତାଙ୍କର ଚିକିତ୍ସା ଖର୍ଚ୍ଚ ଦେଲେ ମୁଁ ଫୋନ ଫେରାଇବି। ଏଭଳି ମେଲ୍ ପାଇବା ପରେ ଅଭିନେତ୍ରୀ ସାହାଯ୍ୟ କରିବାକୁ ରାଜିଥିବା କହିଛନ୍ତି।
[ad_2]
