[ad_1]
ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଜୋ ବାଇଡେନ ଇସ୍ରାଏଲ ପହଞ୍ଚିଛନ୍ତି । ବାଇଡେନଙ୍କ ସ୍ୱାଗତ ପାଇଁ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ ବେନ ଗୁରିୟନ ଏୟାରପୋର୍ଟରେ ପ୍ରଥମରୁ ଉପସ୍ଥିତ ଥିଲେ । ଆମେରିକା ରାଷ୍ଟ୍ରପତି ଏମିତି ସମୟରେ ଇସ୍ରାଏଲ ପହଞ୍ଚିଛନ୍ତି ଯେଉଁ ସମୟରେ ଗତ କିଛିଦିନ ହେବ ହମାସ ଓ ଇସ୍ରାଏଲ ମଧ୍ୟରେ ଯୁଦ୍ଧ ପରିସ୍ଥିତି ଲାଗି ରହିଛି । ଗତ କିଛିଦିନ ହେବ ଜାରି ରହିଥିବା ଯୁଦ୍ଧରେ ୪ ହଜାରରୁ ଅଧିକ ଲୋକ ମୃତ୍ୟୁବରଣ କରିଥିବାବେଳେ ୧୦ ହଜାରରୁ ଅଧିକ ଲୋକ ଗମ୍ଭୀର ଭାବେ ଆହତ ହୋଇଛନ୍ତି । ବର୍ତ୍ତମାନ ସମୟରେ ବାଇଡେନଙ୍କ ଇସ୍ରାଏଲ ଗସ୍ତ ଖୁବ୍ ଗୁରୁତ୍ତ୍ୱପୂର୍ଣ୍ଣ ।
ଇସ୍ରାଏଲ ଏବଂ ହମାସ ମଧ୍ୟରେ ଗତ ୧୨ ଦିନ ହେବ ଯୁଦ୍ଧ ଜାରି ରହିଛି । ଇତିମଧ୍ୟରେ ଗାଜା ହସ୍ପିଟାଲ ଉପରକୁ ବଡ଼ ଧରଣର ଆକ୍ରମଣ ହୋଇଛି । ଏଥିରେ ପାଖାପାଖି ୫୦୦ ଲୋକଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ରୋଗୀ ଓ ଶିଶୁ ସାମିଲ ଥିଲେ ।
[ad_2]
