[ad_1]
ଅହମଦାବାଦ: ଆଜି ଗୁଜରାଟର ଅହମଦାବାଦସ୍ଥିତ ନରେନ୍ଦ୍ର ମୋଦୀ ଷ୍ଟାଡିୟମ୍ରେ ‘ଆଇସିସି’ କ୍ରିକେଟ୍ ବିଶ୍ବକପ୍ ୨୦୨୩ ଆନ୍ତର୍ଜାତିକ ଦିନିକିଆ ମ୍ୟାଚ୍ରେ ଭାରତ-ପାକିସ୍ତାନ ମୁହାଁମୁହିଁ ହୋଇଥିଲେ। ‘ଟସ୍’ ଜିଣିବା ପରେ ଭାରତୀୟ ଟିମ୍ର ଅଧିନାୟକ ରୋହିତ ଶର୍ମା ପ୍ରଥମେ ବୋଲିଙ୍ଗ୍ କରିବାକୁ ନିଷ୍ପତ୍ତି ନେଇଥିବା ବେଳେ ପାକିସ୍ତାନକୁ ବ୍ୟାଟିଙ୍ଗ୍ କରିବାର ସୁଯୋଗ ମିଳିଥିଲା। ପାକିସ୍ତାନ ପାଖରେ ଭଲ ସୁଯୋଗ ଥାଇ ବି ସେ ଭଲ ପ୍ରଦର୍ଶନ କରିବାରେ ବିଫଳ ହୋଇଥିଲା। ଏହା ସହ ଭଲ ପ୍ରଦର୍ଶନ କରି ବିଜୟୀ ହୋଇଥିଲା ଭାରତ।
ମ୍ୟାଚ ସମୟର ଅନେକ ହାଇଲାଇଟ୍ ଭାଇରାଲ ହେଉଥିବା ବେଳେ ପୁଣି ଥରେ ନିଜ ଅଭିନୟ ପାଇଁ ଚର୍ଚ୍ଚାରେ କ୍ରିକେଟର ବିରାଟ କୋହଲି। ପାକ୍ କ୍ରିକେଟର ଇମାମ ଉଲ୍ ହକ୍ ଏବଂ ଅବଦୁଲ୍ଲା ଶଫିକ୍ ମ୍ୟାଚ୍ ଓପନିଂ ପାଇଁ ପଡ଼ିଆକୁ ଆସିଥିଲେ। ଅଷ୍ଟମ ଓଭରର ଶେଷ ବଲରେ ଶଫିକ୍ ଆଉଟ୍ ହୋଇଥିବା ବେଳେ ଇମାମ ୧୩ ଓଭରରେ ଆଉଟ୍ ହୋଇଥିଲେ। ଇମାମ ଆଉଟ ହେବା ପରେ ମହମ୍ମଦ ରିଜୱାନ ବ୍ୟାଟିଂ କରିବାକୁ ଆସିଥିଲେ। ହେଲେ ବ୍ୟାଟିଂ ପୂର୍ବରୁ ନିଜକୁ ପ୍ରସ୍ତୁତ କରିବା ପାଇଁ ଦରକାରଠୁ ଅଧିକ ସମୟ ନେବାରୁ କୋହଲି ଅଭିନୟ କରିବା ଆରମ୍ଭ କରିଥିଲେ। ତାଙ୍କ ହାତରେ କୌଣସି ଘଣ୍ଟା ନଥିଲା। ତଥାପି ସେ ଘଣ୍ଟାରେ ସମୟ ଦେଖୁଥିବା ଭଳି ଅଭିନୟ କରିଥିଲେ। ଏଭଳି କରି ସେ ଅମ୍ପାୟାରଙ୍କୁ ରିଜୱାନ ଅଧିକ ସମୟ ନେଉଥିବା ଜଣାଇବାକୁ ଚାହୁଥିଲେ।
[ad_2]
