[ad_1]
ଦିଗପହଣ୍ଡି: ଗଞ୍ଜାମ ଜିଲ୍ଲା ବ୍ରହ୍ମପୁର ବନଖଣ୍ଡ ଦିଗପହଣ୍ଡି ବନାଞ୍ଚଳ ଅଧୀନ ଜକର ଗ୍ରାମ ନିକଟରୁ ଗତକାଲି ସନ୍ଧ୍ୟାରେ ବିରଳ ପ୍ରାଣୀ ଶାଳିଆପତନି ଚୋରା ଚାଲାଣ ବେଳେ ବନ ବିଭାଗ ଚଢ଼ଉ କରି ୩ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ, ପାଟପୁର ଥାନା ବ୍ରାହ୍ମଣପଙ୍କ ଗ୍ରାମର ପ୍ରକାଶ ମଲ୍ଲିକ, ବିନୋଦ ମଲ୍ଲିକ ଓ କୁନା ନାୟକ। ଗତକାଲି ସନ୍ଧ୍ୟା ୭ଟାରେ ତିନିଜଣ ଅଭିଯୁକ୍ତ ଏକ ପଲସର୍ ବାଇକ୍ରେ ଗୋଟିଏ ଶାଳିଆପତନି ନେଇ ଚିକିଟି ଅଭିମୁଖେ ଯାଉଥିଲେ। ଏହି ସମୟରେ ଜକର ଗ୍ରାମ ନିକଟରେ ବନ ବିଭାଗ କର୍ମଚାରୀମାନେ ଗାଡ଼ିକୁ ପିଛା କରି ତିନିଜଣ ଅଭିଯୁକ୍ତଙ୍କୁ କାବୁ କରିଥିଲେ। ଏନେଇ କେସ୍ ନମ୍ବର ୧୩୦/୨୩-୨୪ ଅନୁସାରେ ଏକ ମାମଲା ରୁଜୁ ସହ ଶାଳିଆପତନି ଓ ବାଇକ୍ ଜବତ ହୋଇଥିବା ବନାଞ୍ଚଳ ଅଧିକାରୀ ଦିବ୍ୟରଞ୍ଜନ ସାହୁ ସୂଚନା ଦେଇଛନ୍ତି।
[ad_2]
